Aanayena momalimbililo molwa onkalo ya nayipala

2
289

KuMaria Namupala

 

ONAYENA – Aakalimo yomoshikandjihogololo Onayena oya thikitha omakemo gawo molwa onkalo ndjono tayi limbilike mOnayena. Aakwashigwana oya shanga omukanda nyenyeto gwawo noku gu thikitha  kuKansela gwoshikandjohogololo shoka Max Nekongo.

Omukanda nyenyeto ogwa holola nkene aantu yeli muutile molwa iimbuluma mbyono tayi londo esiku nesiku mOnayena nonando omuna opolisi. Momasiku 13 ga Apilili Kansela okwa li a ningile aakwashigwana ayehe oshigongi, sha ningilwa moomwandi dhiigongi konima yomambo.

Aakwashigwana oya li ya popi omikundu dhawo, taya holola kutya moshikandjohogololo omo tuu moka otamu fekelwa aantu yena omiti/uuzigo ndhono taya gandja kaantu, omuna woo yamwe ye shiwike taya tidha aantu omindamba, onkalo yaantu taya adhika ya sila momeya nokwa konekiwa kutya yamwe ohaya adhika yaa hena iilyo yiivalithi.

Oya holola woo kutya kaya uvitile nawa opolisi yaNayena ombili oshoka nande ya lopote iinima mbika oonakufekelwa ihaya ningwasha ohaya lombwelwa owala ya paathane ombili yo ya dhiminathanepo ashike aafekelwa oya tsikila owala noku tidha aantu.

Meme Lydia Toivo gomOnanyege okwa ti limwe lyomomasiku okwali a tuma okanona ke puundingosho wo popepi ashike okanona oka galuka ta kati okali ka tidhwa kohauto, oya ningi onkambadhala ya kuthe okanona kaka ulike ohauto ndji yali ye ka tidha na mwene gwawo ashike moku pulwa okwa patana.

“ Yakwetu tse onga Aanayena otwa lulilwa , oomwenyo dhetu ina dhi manguluka we oshoka otwa tila noku enda ethimbo lyatoka otatu tidhwa owala, otwa hala tu popilwe opo ayehe mbono taya fekelwa miiningwanima yatya ngeyi ya mangwepo yo ya pulwe kutya ota ye shi ningile shike” Aanayena ta ya ti nga.

Oya tsikileko woo taya ti oya hala opolisi ya Nayena yi lundululwe oshoka itayi longo iilonga yili puyuuki no ka yi lilepo oshigwana.

Tate Johannes Nelulu ngono omwana a manene oondjenda dhe petameko lyomvula ndjino naye okwa ti okwa lulilwa kombepo ombwinayi yi iteyela mOnayena  oshoka kehethimbo aavali otaya lili omaso gaantu yawo mbono yasa iipundjamene ashike oonakufekelwa ihaya katu kilwa nande onkatu.

Kansela gwoshikandjohogololo shino okwa ti oshinima shika oshe mu uvitha nayi noonkondo okwa indile ku kehe ngoka ta ka tsikila noku longa iimbuluma mbika kutya ota katukilwa onkatu yopaveta. Okwa uvaneke ta ka kala a gandja eyamukulo kaakwashigana methimbo efupi teya indile yaalongelathane omiyonena.

Omadhina gaafekelwa ayehe oga shangwa na otaya ka ithanwa ya gandje omahokololo gawo, yo taya popi omalakano gawo kutya oga shike sho taya mana po owala noku tilahi oombinzi dhaantu.  Konyala oonakulongelwa omiyonena ndhika aakulupe naantu ya Kalunga mbono kaa yeli nawa momitse, omapopyo ota ga ti anuwa gumwe okwa hatukile elaka taliti oya hala ya manemo omagoya agehe mOnayena.

2 COMMENTS

  1. Aawe opolisi nayi talepo nawa mpo. Oshima oshiwinayi tashi gandja ethano ewinayi moshigwana, ngele osho shili konayena shoka lundululeni tamu sitha aantu ohoni. Eso lya Hafeni nangaye olya ehameka omwenyo gwandje nayi. napu talike nawa akwetu.

LEAVE A REPLY

Please enter your comment!
Please enter your name here