Aandaanisi dhingi ya hogololwa ya ka ulike uunongo wayo koNamas

0
192

KuPinehas Nakaziko

 

WINDHOEK-Aalongekidhi yoshituthi shegandjo lyokomvula lyiikoloni kaahikingalo dhingi aaNamibia (Namas) oya hogolola aandanisi dhingi omulongo na yatatu (13), opo ya ka mwenyeke noku ulika uunongo wawo koshituthi shegandjo lyiikoloni omwedhi nguka.

Ethigathano ndika olya ningwa Etitano lyaziko koNTN Backstage moshilando shaVenduka, moka konyala omwaalu gwaandaanisi omilongo ndatu (30) gwali gwa holoka methigathano opo pu hogolololwe omwaalu gwa pumbiwa.

Kehogololo ndika kehe omundaanisi okwa li a pewa okathimbo okafupi, oku ulika shoka e na po, na nkene ando taka ninga koNamas, ndjoka ya tegelelwa yi ka ningwe momasiku 3 gaMei, omvula ndjika moSwakopmund.

Omupopihapu gwaNamas, John Ekongo, okwa ti enenedhiladhilo ndika lyaandaanisi yo ko Namas omvula ndjika olyo lyotango tali ka ningwa okuza nkene oNamas ya totwelwe po, nelalakano oku humitha komeho oshituthi shika noku yambula po omainyanyudho ga yoolokathana ngele tashiya moshilongo.

Yamwe po yomaandaanisi mboka kwa tengenekwa ya ka ulike uunongo wayo ongaashi nee Joy Kaperu, Marchell Jseven Medasine, Hillary Shiimi,Alex Gawamb, Stanley Mareka, Michael Namaseb, Thomas Thomas, Rusher Alweendo, Faizel Browny, Jordan Thomas, Aruchelle Keysler,Justin Andries naGrant Edem.

LEAVE A REPLY

Please enter your comment!
Please enter your name here