Aapolisi ya tu lange moluhepo sho ya yu gandje omaliko gandje

0
280

KuLoide Jason 

 

ONGWEDIVA – Nonando oshili omukalondjigilile kutya aapolisi yaNamibia olundji ohaya kanitha iipotha moompangulilo sho taya ndopa okugandja uumbangi wa gwana, shika osha kolekwa komusamane gwepipi lyopokati sho ati okwa dhengelwa owina kaapolisi noku yugwa omaliko ge moshiwike sha ziko kOpuwo.

Omusamane gwe pipi lyopokati okwati opolisi yaPuwo uuna kayena iilonga oye a ningako oshihakanwa shawo uunene ngele tashiya poku dhengwaa dhengwa noku tulwa miiketanga kena ondjo yasha.

Joseph Nangolo ngoka a popi na Kundana                    tatina kiilalo mbyoka a ningwa kiiketanga yaapolisi okwa ti aapolisi oye mu ninga omuthigona omutokele to oshoka oye mu kutha iimaliwa ye yi thike anuwa poodola N$7,700.10.

Nangolo ngoka  omunangeshefa  ena uutala hawu landitha omihaka okwa ti okwa penduka wala ongula ta ka landitha omihaka dhe ngaashi shito ashike esiku ndyoka ye okwa mono ashike omumati te mupe N$10 tati okwa hala okasitiki kamwe komuhaka oshoka oha landitha ndhoka dha tetwa naandhoka inaadhi tetwa.

“Omulumentu ngoka mbela okwa tumwa kaapolisi mboka taya fekele ndje aniwa onda uvika handi landitha omapangwe, omulumentu ondemupa shili okapambu komuhaka etandi mupe oshendja ye yoondola omugoyi,” Nangolo a lombwele Kundana a yemata.

Noku yemata kwe ku etitha ohenda okwa tsikileko wo kutya shika oshikando oshitiyali ta kwatwapo kaapolisi taye mufekele omakaya ngoka hela avalwa a adhike na go kaapolisi.

“Egumbo lyandje oye li hadha nayi noonkondo ashike ina ya adhamo tuu nando olyo ekaya lyasha,  ngashingeyi oya ku thandje iimaliwa yandje mbyoka nda adhika tandi faale omukulukadhi gwandje ngoka ena okahanona k iiwike iyali,” Nangolo ati.

“Aapolisi mbaka otaya hepeke ndje owina! Kandishi kutya oya halela ndje shike oshili aaye?

Onda loloka.

Oshipotha sho tango oya lundila ndje woo kutya aniwa oya adha ndje nuupakete une womakaya etaya fala ndje kopolisi sho twa thiki mopolisi aniwa uupakete onde wu yakamo wo mopolisi yo ya kalela ndje. Oshili ngaye onda lulilwa,” Nangolo ati.

Okwa popi wo tati ngashingeyi okuli ashike megumbo asa uunye woku tsikila nongeshefa ye oshoka aapolisi oye mu shunitha monima ositoka ye oya adhika yapwapo kena wee iimaliwa yoku landa ositoka yimwe nokufuta woo aantu ye mboka ha ye mulandithile puutala we.

Komufala gwopolisi moshitopolwa shaKunene okwa yamukula kutya  osho shili kutya Nangolo okwa li akwa twapo  na iimaliwa okwa li ya kwatwako oshoka omwa adhika N$10 ndhoka dhali dha longithwa komupolisi okulanda omakaya kuye.

Ombelewa ndjika inayi yeleka tuu nande kutya Nangolo okwa adhika nomakaya nenge onomihaka oya koleke ashike kutya okwa adhika noN$10 ndhoka dha longithwa kaapolisi.

Ko kutya Nangolo okwa dhengwa  kaapolisi ombelwa ndjika oya ti itayi ti kosha oshoka yo kaya lipo sho a kwatwa po.

Nangolo okuna uunona uutano nomukulukadhi gwe.

LEAVE A REPLY

Please enter your comment!
Please enter your name here