Amutse a hala Ogongo yi ninge ehala lyokutalelwapo

0
189

KuLoide Jason 

 

OGONGO-Kansela gwoshikandjohogololo Oshikuku, Modestus Amutse  okwa hala omuthitu gwaGongo moka muna iikwakuti gu lundululilwe mehala lyuutalelipo.

Amutse okwa gandja ethaneko ndika pethimbo ta popitha oshigongi ilonga shina sha nuutalelipo nomudhingoloko sha ningilwa pOgongo Kampusa yo univesiti ya Namibia oshiwike shika. Pethimbo ndyoka Amutse okwa thaneke kutya ewiliko lya Unam nali pitike opo okamba yoohektara eyovi limwe yi lundululilwe moshitopolwa shuutalelipo womoshitopolwa Omusati.

Amutse oye a unganeke oshigongi ilonga shika shotango oku longekidhwa moshitopolwa shoka, na okwa ti uutalelipo otawu ka kwathela oku etapo eyokomeho  mOmusati opo oshitopolwa shika shi ye nawa komeho.

. “Ngele ethaneko ndika olya piti nena aakalimo yomoshitopolwa shika aalumentu naakiintu otaya ka kumikwa okulonga iihongwanima nii yumbwa nima yawo mbyoka taya ka kala taya landitha nuupu pwaana uupyakadhi ngaashi haye shi ningi ngashingeyi’ Amutse a fatulula.

Okwa ti oyendji yomaakalimo momikunda dhopepi ohaya ulike noku landitha iilongomwa yawo mooha dhondjila onene ndjoka ya enda mOmusati yuuka muuninginino wawo, sho shika inashi pandika kewiliko epe lyoshitopolwa sha Musati.

Amutse okuna oshinakugwanithwa shoku tonatela  omudhingoloko nuutalelipo moshitopolwa nenge mewiliko lyoshitopolwa shaMusati, onkene okwa ningi onkambadhala nethaneko ndika lyoshigongiilonga oku humitha komeho uutalelipo wuushitwe moshitopolwa shaMusati nomiikandjohogololo yasho.

Okwa lombwele  Kundana kutya omumvo 2004 osikola y Ogongo oya tulwa miikaha yo UNAM onkene ndjika oyi li ngashingeyi kohi yewiliko epe, niikwakuti mbyoka yili momuthitu gwaGongo ohayi longithwa okulonga aalongwa yewiliko lyomudhingoloko.

“Ethaneko nosheetwapo shika otashi kwathele oshitopolwa shika nkene tashi hwepopeke iilonga yoku eta aatalelipo moshitopolwa shika ngashi yo haya talelepo iitopolwa yilwe moshilongo.

Otashi ka kwathela wo oku humitha komeho iilonga yoku honga iilongomwa yopashigwana,” Amutse a ulike.

Oshigongi ilonga osha kundathana wo onkalo yuunkundi womahala goku lala aayenda moshitopolwa shoka nenge tu tye oohotela noshowo oolodge ndhoka odho tadhi vulu oku hila aatalelipo oku ya ya talelepo oshitopolwa.

LEAVE A REPLY

Please enter your comment!
Please enter your name here