Kwata iimaliwa yoye nawa poPaasa nopefudho lyosikola

0
333

Komutoolinkundana

 

“Osha pumbiwa oku ninga omalongekidho omawanawa gelongitho lyoshimaliwa pethimbo ndika lyoPaasa opo omuntu kehe kaa gwile muupyakadhi woku kala ena oongunga,’ Oshoka oyendji yomaakwashigwana otashi vulika opo natango taya mana oku futa oongunga ndhoka ya li ya yi mudho ngiika pethimbo lyoKrismesa nomumvo omupe,’ osho Omupopiliko gwOmbaanga yOtango yOpashigwana Victoria Muranda a londodha.

Muranda okwa ti pethimbo ndika sho omanongelo ge li mefudho  uule wiiwike ine tayi landula, ndika olyo wo ethimbo uuna omafamilia gamwe haga hogolola oku ya mefudho noshowo oku nyanyudha aaholike yago.

Ethimbo ndika olyo ishewe lyoPaasa, moka omazimo haga inyanyudha noku landa uushike pendjewo ngaashi uuleke wochokolate na yimwe ya fa mpoka.

Olundji aantu ina ya tala ethimbo lyoPaasa ongo ethimbo moka aantu haya tyapula ngaashi pethimbo lyoKrismesa onkene olundji iha pa ningwa omitengenekothaneko dha nkene oshimaliwa tashi ka longithwa, naashika ohashi fala opo aantu ya longithe oshimaliwa sha pitilila okuyelaka andola ngele oya li ya longekidha omwaalu ngoka guna oku longithwa.

Muranda okwa ti: “Elongitho lyoshimaliwa poPaasa oha li iyakele aantu omanga yo inaa ye shi tegelela, unene tu sho aantu ihaa ya kala yi ilongekidha palupe lwoku ninga omutengenekothaneko gwelongitho lyoshimaliwa.

Olundji pethimbo ndika elongitho lyoshimaliwa oha li yi pombanda molwashoka aanona oye li pomafudho naambaka oyena egamo lyo ku kala ya hala oku landelwa shika naashiyaka,”

Okwa ti oshimaliwa oshindji hashi longithwa pethimbo lyoPaasa ohashi longithwa oku landa iikulya oku futila omafudho, oku nyanyudha aanona, unene tuu sho ethimbo limwe haya kala ya hala ookuume kawo ya talelepo noshowo oku ka hehela  uukino nenge wo oku falwa ya kalye pondje.

“Ohatu ningi omalongekidho omanene kombinga yo ku tyapula oKrismesa.

Ndele osha fa hatu dhimbwa oku ninga omalongekidho ngaashi ngoka kombinga yoshituthi shoPaasa, shoka wo tashi vulu oku ningilwa omathaneko gopashimaliwa opo pwaa hepekwe oshimaliwa.

Ehepeko otali vulu oku ningwa pethimbo lyoPaasa unene tuu sho oshimaliwa tashi longithwa oku landa iinima iinaa yi pumbiwa naa naa ngaashi otjokolate, uudhano wokotiivii na yilwe.Onkene Muranda ota ti oshiwanawa ngele tapa ningwa elando lyiipumbiwa yOpaasa kuyele opo pwaa ka landwe mbyoka lwopethimbo lya hugunina.”

“Okulongekidha oko aluhe oshinima oshiwanawa,” osho Muranda a ti .

“Otandi thaneke kutya na pa ningwe omutengenekothaneko okunyanyudha aanona. Ngashi oku dhiladhilapo iilongadhalwa tayi ningilwa megumbo. Ishewe osha pumbiwa oku kala wi ilongekidhila aakwanezimo mboka tashi vulika taya ka holoka po, inaashi tegelelwa sho yo ye ya okuyotha onyama pamwe nane.

Onkene napa ningwe elandulathano lyaashoka tashi liwapo.

Opo pu hupithwe oshimaliwa noshowo ethimbo.Olundji okulongitha oshishona okwo oku longitha oshindji ishewe iinima iina yi pumbiwa inayi pingakanithwa noku tya aniwa mbyoka oya pumbiwa esiku kehe andola.

Ngele owa longo ngaaka nena iimaliwa yoye otayi ku fala kokule.”

LEAVE A REPLY

Please enter your comment!
Please enter your name here