Longekidha eto futile efumviko lyoye manga inoo sa

0
186

Komutoolinkundana

 

WINDHOEK-Omafumviko ohaga vulu oku kala gena ondilo, tashi vulika taga kuthapo oshimaliwa shoodola omayovi dha Namibia, naantu oyendji ohaya kala nomaipulo kutya uuna ya mana oondjenda otashi vulika itaa ya thigipo iimaliwa ya gwana omolwa efumviko lyawo. Ndele nelongekidho lyekwashilipaleko lyefumviko omuntu ota longekidha noku futila efumviko lye omanga natango ena omwenyo.

Oshiwike shika Ombaanga ya Standard mokuptila moshitopolwa shayo shomakwashilipaleko oya tseyitha omalongekidho omape gomakwashilipaleko gomafumviko unene tuu gaayakulwa yombaanga ndjoka.

“Miilonga yetu koshitopolwa sho Standard Bank Insurance Brokers tse otu shishi kutya uuna ethimbo lya thikana omuntu owa hala oku ka lala nesimaneko no neiyuvo li li nawa.

Onkene ekwashilipaleko lyetu lyefumviko ota li ku pe ongoye nezimo lyoye ombili yokomwenyo, sho tali kwatelemo iipumbiwa ayihe noshowo iimaliwa ya gwedhwapo oku futila iinima yimwepo,’osho Juanita Lamprecht, Omuwilikikuluntu gwa Standard Bank Insurance Brokers a ti.

Iimaliwa yoye otayi pungulwa mekwashilipaleko, noku yi gamenenamo sigo uuna ndoka tayi ka kala ya pumbiwa . Shika otashi ti mbika otayi kala moka sigo uuna tayi ka longithwa pefumviko ngaashi yeli pungulilwa.

“ Oku longekidha efumviko kashishi oshinima oshiwanawa, ndele nee oshinima sha pumbiwa okuningwa. Unene tuu oshoka pethimbo lyoluhodhi ino hala ofamili yoye yi kale ya nika oluhodhi no yi na omaipulo kombinga yiimaliwa mbyoka yo yina oku longitha omolwa omalongekidho gefumviko.,’ Lamprecht a ti.

Pamalongekidho gekwashilipaleko ndyoka opo lya tseyithwa oshiwike shayi oshilyo  oshinene mekwashilipaleko otashi futu oodola 85, ndhika otadhi eta mpoka kutya sho, noshowo  omuholike gwasho otaya kwashilipalekwa noodola omayovi 21 kehe gumwe, omanga aanona otaya kwashilipalekwa nomiyalu dha yooloka shi ikwatelela koomvula dhawo, ngaashi okuza poodola 2 500 sigo oodola 6 000-.

Omuntu oto vulu woo oku kwashilipaleka aakuluntu yoye noohomweno noonyokomweno  ngele owa futu oodola dha gwedhwapo dhili 48 momuntu kehe yo mbaka otaya ka kwashilipalekwa niimaliwa yefumviko yoodola omayovi 8 omuntu kehe. Omukwashilipaleki ota vulu wo oku kwashilipaleka aantu ya gwedhwako yeli yane mboka ha kwathele shampa ashike ta futu oodola 48 mu kehe gumwe komwedhi kehe.

“Ekwashilipaleko ndika otali kuthwa komuntu kehe ena eyalulo mombaanga ya Standard, naambaka otaya vulu oku ninga eindilo lyekwashilipaleko ndika  miitayi mbaanga yopopepi nayo,’ Lamprecht a ti.

LEAVE A REPLY

Please enter your comment!
Please enter your name here