Taya ilongekidhile uudhano woCommonwealth nosho tuu wulwe

0
162

KuOtniel Hembapu

 

WINDHOEK – Olutu lwokuwilika uudhano wOongonyo moNamibia nenge Namibia Boxing Federation olwa lya ta pevi ngele tashiya meilongekidho lwalyo okulongekidha aadhengingonyo mboka taya ka kutha ombinga muudhano woongonyo pethimbo lyomaudhano omanene nuumvo noshowo omumvo 2016.

NBF okwa ti okwi ilongekidhila nale nawa uudhano woongonyo mboka wuli oshitopolwa shuudhano woCommonwealth tawu ka dhanenwa mo Glasgow sha Scotland okuza 23 July sigo 3 gAuguste nuumvo.

Kakele kaambuka NBF okwa ilongekidha wo oku kadhana muudhano woongonyo muudhano wOlympika mo Rio de Janeiro omumvo 2016.

Ongo oshitopolwa shoku ilongekidhila omaudhano ngaka NBF okwa falele aadhengingonyo yeli 10 kuudhano woongonyo wehangano lyuudhano mbuka moshitopolwa oshitine hawu ithanwa the African Boxing Confederation (ABC) Zone-4 Elite Boxing Championship, mboka wa dhanwa mo Pretoria oshiwike shika.

Aadhani mbaka ya yile kuudhano mbuka ayehe 10 oyo omanyakwa moondjundo dhawo pashigwana na okwa li ya hogololwa pethimbo lyuudhano woongonyo wa kwashilipalekwa ku Telecom mboka wa li wa lukwa Telecom Namibia National Elite Boxing Championship wa ningililwe po Rundu mu Desemba omumvogu noshowo puudhano womalolelo gopashigwana wa ningililwe mOmbaye mu Maalitsa nuumvo.

Iilongo mbyoka tayi kuthombinga muudhano mbuka kakele ka South Africa,moka omo tamu ningilwa uudhano mboka oyo,  Namibia, Botswana, Lesotho, Swaziland, Angola, Mozambique, Mauritius na Seychelles.

Omuwiliki gwospana yuudhano mbuka, Mistake Gariseb na Josua Veikko, oya ulike eipulo lyawo eshona kombinga yelongekidho ya ti oya li ya pewa ashike ethimbo efupi oku longekidha aadhani yawo mbaka oku ka kuthombinga methigathano enene li thike mpoka naashika oya ti okonyala shi ya yonene iilonga yawo ongo aadheuli yospana yaadhengingonyo.

Ihe nando ongaaka oya ti  aamati yawo oyi ilongekidha nawa oku ka etelela iishani konima yuudhano mboka oshiwike shika ngele taya galukile kegumbo.

Pehala lyomukwashilipaleki gwospana ya Namibia omupopiliko gwa , Telecom Namibia, Oiva Angula okwa kumike aadhengingonyo opo ya kale yi itulamo noku longa nuudhiginini oku etelela omasindano kegumbo, oshoka esindano olyo alike tali nyanyudha omukwashilipaleki ngoka aluhe a kala noku pungula oshimaliwa oshindji muudhano mbuka.

Ospana ndjika otayi ende pamwe na , Janine van Wyk ngoka a hogololwa ongo omutonateli motonamende ndjika, ngoka a ti okwa nyanyukwa oshoka shika otashi humitha komeho aawiliki melelo lyuudhano woongonyo waakiintu moNamibia.

LEAVE A REPLY

Please enter your comment!
Please enter your name here