Uudhano wetanga lyokoompadhi woEaster po Katima Mulilo

0
179

Komutoolinkundana

 

KATIMA MULILO – Mondoolopa ya Katima Mulilo otamu ka dhanenwa uudhano wetanga lyokoompadhi wokomumvo hawu kwashilipalekwa koSanlam pehulilo shiwike ndika lyoPaasa.

Ethigathano ndika olyo limwe enene mokati komaudhano ngoka haga ningwa moshitopolwa sha Zambezi.

Sanlam Namibia okwa kala noku kwashilipaleka uudhano mbuka oku za omumvo 2009.

Muudhano mbuka ohamu kala konyala oospana omu-15 dha kuthombinga muwo omumvo kehe okuza tuu nkene mbuka wa tamekele  omumvo 2009.

Aakalimo oyendji moshitopolwa shika oha ya kala netegameno oku tegelela uudhano mbuka oshoka ohawu ya nyanyudha, unene tuu sho oshitopolwa shika sha talika ongo shimwe shomiitopolwa mbyoka ya mwena.

Elalakano lyotonamende ndjika olyo oku kumika aagundjuka opo ya kale mombepo ombwanawa, oku ya kaleka kokule niinima mbyoka tayi vulu oku ya etela oshiponga ngaashi okunwa iikolitha, okunana omakaya, noshowo oku kuthombinga miilonga yomiyonena ya yooloka. Uudhano owa simana wo, oku kokeka omudhani palutu noshowo oku mu kaleka muukolele.

Sanlam Namibia okwa yambidhidha omaudhano ga yooloka koombinga noombinga dha Namibia, na oku itulamo natango oku gandja omakwatho komaudhano ngoka taga tungu onkalo ombwanawa mokati kaagundjuka noshowo mokati koshigwana.

“Elalakano enene oku gandja iimaliwa muudhano mbuka olyo oku konga noku mona iitalendi mbyoka yili moshitopolwa shika, noshowo mbyoka yili palwe moshilongo shetu,’ Omuwiliki gwakwaalukehe pokati koshigwana nehangano Evans Simataa a ti.

“Onda kala puudhano mbuka omumvo kehe wa li wa dhanwa poKatima Mulilo, na aluhe ohashi yetele enyanyu oku mona sho aakalimo yomoshitopolwa shika haya kala ya nyanyukwa noonkondo,’.

Simataa, okwa ti nuumvo Sanlam okwa gandja oodola omayovi ge vule omilongo 50 omolwa ethigathano ndika.

Nuumvo uudhano otawu tetekelwa komunyanyo gwoshigwana tashi katuka opo shi ulike noku yambula ontseyo mokati kasho kombinga yelongitho nayi lyoonkondo tali ningwa paukashike kookantu.

Uudhano otawu ka egululwa pambelewa pongulu yomambo pokapale kuudhano moKatima Mulilo, Etitano oshiwike shika.

LEAVE A REPLY

Please enter your comment!
Please enter your name here