Adhengwa komuhingi gwoTaxi anuwa

0
378

KuMaria Namupala

ONDANGWA – Omukalimo gomondoolopa ya Ndangwa okwa thikitha omanyenyeto ge omolwa omahepeko ngoka a ningilwa ku gumwe gwaamboka haya hingi oolefa dhiinano iishona okuza mOndangwa nokuya kOmuthiya. Jacobina Kalili okwa holola kutya mOmaandaha okwali a ka talelapo aakuluntu ye kOnyaanya mOndonga, noku zako okwali a londo olefa opo yi mu faalele kOndangwa hono ha longele, okwa li a pula omuhingi opo e mu fale pegumbo, taya uvathana ngaa ando nawa nomuhingi ngoka.  

“Sho twa thiki pomatala ga Ndangwa omuhingi nguno okwa tameke ta nyenyeta anuwa ita vulu e tu fale pegumbo oshoka anuwa ota fala aafalelwa ye palwe nonando twali tu uvathana, omuhingi nguno okwa ti natu zemo mohauto ye oshoka anuwa ita vulu we ku tu fala mpoka tu uka, meme gumwe omufaalelwa naye okwali a tameke ta dhenge ndje  na kandishi kutya oshike,” Kalili ta ti.

Mokudhengwa ngawo Kalili okwali i ihatapo ashike omuhingi golefa ndjino anuwa mokuza ko okwa thikile owala ta dhenge Jacobina noku tatulapo ongodhi ye. 

Aafaalelwa mbano oyali ya yi kopolisi ando Jacobina a ka mone ekwatho ashike okwa holola kutya ina kwathwa nande oshoka okwa umbwa owala enkawa ku gumwe gwomaapolisi oshoka oya kala anuwa no ku mu ula omalaka kutya anuwa okwa kolwa.

Omugandjimalombwelo gwosasiona yOpolisi pOndangwa, Hafeni Antonius, sho a pulwa a gandje okomenda ye koshinima shika okwa ti ye kena onsteyo nando oya sha musho na aniwa kali eshi lopotelwa.

Onkene okwa gandja omayele ku Kalili opo a shune kosasiona hoka eke mu mone opo ye a vule oku konakona oshiningwanima shoka.

“Yakwetu ngame kandi uvite ombili omolwa iinima mbi nda ningilwa mpa, opolisi itayi longo we iilonga yawo, oya hala owala oku tu thindila kongudhi tse twaa hena kutya otwa ninga shike, nandi popilwe yakwetu, ngaashingeyi inandi pewa ombaapila opo ndi ka pangwe oshoka ondali nda hala ndi popilwe,” Kalili ta gwedhako nga.

Meme nguno okwa dhengwa nokwa zinda oshipala, ye okuna uulalo wuli lwopomeho ge lwaampo, ashike okwa holola kutya oku uvite uudhigu noonkondo molwaasho alongelwapo. 

Ta indile oshigwana shi mu popile.

LEAVE A REPLY

Please enter your comment!
Please enter your name here