Bulelo okwi ilonge kidha oku kwatako uuyuni

0
223

KuNuusita Ashipala

ONGWEDIVA – Enyakwa lyuudhano wokutunga olutu kuumbangalantu wokokule olya pewa eyambidhidho molupe lwiiliwa ya gwedhwapo mbyoka omuntu hadhana muudhano mbuka a pumbwa uuna ta ningi omadhewo ge esiku kehe moongulu dhomadhewo.

Hedison Nghipondoka, okwa pewa eyambidhidho ndika lyiiliwa yogyminasiuma koaputeka yopaumwene ya Pola ndjoka tayi adhika mOndangwa.

Nghipondoka, a tseyika wo nedhina Bulelo ota longwa nawa nkene ena oku tunga olutu lwe pogymnasiuma yedhina Ours Gym  mOndangwa uule woomwedhi ndatu.

Omadhewo ngaka otage mu longekidha nawa omolwethigathano lyaatungi yomalutu lyopashigwana ndyoka tali ka kalako pethimbo lyomauliko giipindi gokomumvo gaNgwediva muAuguste nuumvo.

Bulelo okwa li a pewa oshishani shuunyakwa mokutunga  olutu puudhano woludhi ndoka wopashitopolwa wa ningililwe pOngwediva Multi-Purpose Centre muNovemba omumvogu sho ye a li a thigipo aakuthimbinga muudhano mbuka ayehe kumwe yali omulongo 12.

Bulelo okwa nyanyukwa noonkondo a ti eyambidhidho ndika otali ke mu kwathela nawa pethimbo lyomadhewo ge esiku kehe, oshoka otali ke mukwatha opo a tungepo eholokepo lyomondjila nolya pumbiwa komu kuthimbinga kehe methigathano ndika.

 Okwa ti ye okuna einekelo  nokwi ilongekidha okugamena oshishani she pethimbo lyuudhano muAguste nuumvo. Oshikwawo okwa ti ethigathano ndika olyo oshikolo shimwe shoka a hala oku adha molweendo lwe lwonkalamwenyo. Okuna omukumo gwakola ngashingeyi unene tuu sho e na iikulya yuundjolowele na ishewe oku na omuyambidhidhi omwiinekelwa, shika otashi mu longitha nuudhiginini opo a vule oku kalelapo Namibia momathigathano gopaigwana monakuyiwa.

Omuyambidhidhi gwe pashimaliwa , Amena Munyika, okwa ti Bulelo omumatuki hi itulamo momadhewo ge, na okwe mu indile opo a longithe iigwedhwapo kulya mbyoka ngaashi yuuthwa okulongithwa, opo a vule oku kwatako iishani pomathigathano gopaigwana.

Bulelo okwa thaneka oku ninga omauliko goku tunga olutu, okukala omuntu wuna olutu luli nawa oshowo oku shuna ondjundo yo lutu pomuthika guli nawa nomadhewo  go ku iuvitha nawa pethimbo lyomauliko giipindi gaNdangwa omwedhi tuuka. Pethimbo ndika oku li omulongi noshowo omudheuli pendiki lyedhina 6000 mOndangwa.

LEAVE A REPLY

Please enter your comment!
Please enter your name here