Kaapanda a popitha aaShikolongondjo pedhimbuluko lyevalo lya Namibia eti-24

0
166

OSHIKOLONGONDJO – Ominista yOmauyelele nOmakwatathano gOpaungomba, oya indile aakuluntu opo ya kale yi itulamo melongo lyaanona yawo. Joel Kaapanda okwa ti aakuluntu nenge aavali yaanona oye na oshinakugwanithwa okulonga oyana oohedhi noshowo omithigululwakalo, omanga mbaka aashona natango, opo mbaka ya kale ye na esimaneko lyongushu yomuntu nondhilo ye.

Okwa ti aavali naya kuthe wo ombinga okulonga oyana ondjokonona yoshilongo opo mbaka ya tseye nkene oshilongo Namibia sha mangululwa. Ndhika okwe dhi popi Olyomakaya yaziko [SUBS CHECK]. 

Minista Kaapanda okwa ningi eindilo ndika pethimbo a popitha oshigwana momukunda Oshikolongondjo moshikandjohogololo Oshakati shokUuninginino. Omukunda nguka ogwa li tagu dhimbulukwa evalo lya Namibia eti 24 opamwe noshikandjohogololo shopuushiinda washo shaMpundja esiku ndyoka.

Oshiithanene shika osha li sha mwenyekwa nomaudhano gopamuthigululwakalo, na osha li shaningwa nelalakano oku tseyithila oshigwana shokomikunda kombinga ye yokomeho ndyoka epangelo lya etapo muule womimvo 24 dhapitipo.

Kaapanda okwa tseyithile oshigwana kwaashoka epangelo lya ningipa  noshowo kutya otali longo noonkondo adhihe opo li tsakanithe oompumbwe dhaakwashigwana moshilongo ashihe.

Okwa ti epangelo olya yalaleka omawawa galyo okupitila momulandu gwokufala omayakulo galyo koshigwana , lye shi ningi mokupitila maakalelipo yoshigwana miikandjohogololo ya yooloka ngashi ya tseyika nawa ookansela yiikandjohogololo. Mbaka ,Kaapanda okwa ti oyo omeho nomakutsi goholomende oku uva nokumona shoka oshigwana sha pumbwa oku etelwa kepangelo lyasho.

Okwa kumike aakuluntu opo ya longe oyana oohedhi oombwanawa dhopamuthigululwakalo opo moku shininga  shi shonopeke elongitho lyoonkondo pamuthika guukashike kookantu ndyoka lilipo lya vuka moshilongo.

“Owe shi uvile peni omuntu ta dhipaga mukwawo ndele ota teteko omutse gwe? Aakuluntu mbaka muli mpaka omwe shi uva peni shomuntu ta tete omuntu omukwawo omutse?Mbika oyo iilonga yuukolokoshi iipe, oshoka katuna esimaneko lyoohedhi dhetu noshowo  dhomithigululwakalo dhetu. Onkene natu longeni aana yetu noshowo aagundjuka yetu ondjila ompe opo ya tseye, yo ya simaneke omwenyo gwomuntu kehe,” Kaapanda ta indile ena omaipulo.

Okwa indile aanona ya simaneke elongo nosikola opo ya koke ya ninge uuyamba uunene mehumokomeho lya Namibia.

Kaapanda okwa ulike wo oku uva nayi kwe komukalo ngoka aakuluntu yamwe ya longitha oku fa, ya ekelahi aakulupe mboka ihaa ya vulu oku ikwatha yoyene. Okwa ti aakulupe mbaka ohaya thigwa ashike momagumbo omanga aantu taya yi kuundingosho oku ka nwa otombo noshowo iikolitha yilwe.

“Otuna aakulupe taya mono iihuna momagumbo getu, hatu ya thigi momutenya oyo ayeke omanga tse twaya koondingosho, kaapena ngoka teya pe ontaku nenge ootu teya telekele oshithima nookuli oshowo oku ya pa omeya. Onkene natu sileni aakulupe yetu oshimpwiyu,” osho a indile.

 Okwa indile wo oshigwana shi longele kumwe nopolisi ya Namibia okuvudhamo iilonga ayihe iiwinayi no yuukolokoshi momikunda dhawo noshowo moshilongo ashihe.

KuLoide Jason 

LEAVE A REPLY

Please enter your comment!
Please enter your name here