Kavango a dhenge Oshikoto nokusindana ekopi lyoNewspaper cup

0
210

KuJohn Travolter Matali

TSUMEB – Oshikoto moka omo mwa dhanenwa uudhano wekopi lyoshifo sho The Namibian nuumvo  inashi mona ehulilo ewanawa lyuudhano mbuka sho kwali sha hala ekopi li thigale moshitopolwa, ihe oshitopolwa sha Kavango osha li shina omadhiladhilo galwe sho sha dhengemo ospana yOshikoto medhingoloko lyosemifinala.

Oshikoto osha li sha tameke uudhano mbuka nawa tango sha dhenge oshitopolwa sha Kunene nosha Zambezi okoola yimwe monola kehe shimwe  sho tashi dhana shithike pamwe noshitopolwa shaMaheke okoola 2-2. Naashika osha tula oshitopolwa shika pombanda yongundu moka sha li sha dhana sho sha li shina iitsa iheyali.

Nonando oshitopolwa shika osha li kombanda yogroupa ndjoka, uupyakadhi washo oomboka kutya kasha li tashi tulamo ookoola nuupu uuna sha pumbiwa.

Ko okwaatulamo ookoola huka okwa ka etela oshitopolwa shika uupyakadhi pethimbo sha tsakanene nospana yoko Kavango ndjoka yali tayi kondjo neitulemo opo yi sindane  muudhano wawo kehe.

Kavango okwa dhengemo Otjozondjupa ookoola 3-1. Oshikoto osha li sha kondjo noku yanda andola shaa dhengwe koKavango ndele pehulilo Kavango okwa ka tulamo ookoola mbali mu yimwe nongeyi okwa yi kuudhano wahugunina mekopi ndika moka a ka tsakanena nospana yokOshana ndjoka ye, a ka dhengamo nookoola mbali muyimwe.

Muudhano woospana ndhika Oshikoto noKavango odha kala tadhi nyengathana sigo osho Mutuku Incencius a tulamo okoola medhingoloko etiyali lyuudhano mbuka, nonando omukwati gwOshikoto, Kleopas Nangolo okwa li ti inana a hala oku kwatamo etanga ndyoka.

Oshikoto osha ka tulamo okoola yimwe ihe nando ongaaka okwa li kwa tokelwa oshoka ospana ya Kavango oya li nale yina ookoola mbali komeho gOshikoto.

Kavango okwa ka tsakanena nOshana shoka wo ye a dhengemo nookoola mbali muyimwe muudhano mboka taku hokololwa wali tawu nyanyudha omutali kehe a li pokapale ka Oscar Norich mOshomeya Omaandaha gOpaasa.

LEAVE A REPLY

Please enter your comment!
Please enter your name here