Ongundu Young Kasi ta yi shi enditha nawa nokangalo “Chopo”

0
262

Ku Pinehas Nakaziko

WINDHOEK – Kamwe komuungalo wongundu yaa imbi aagundjuka omugoyi (9), yedhina Young Kasi, ta ka ithanwa “Chopo”, ota ke shi enditha nawa mooradio dhomoshilongo.

Okangalo ha ka opo kapitile kuyele nuumvo okandhindhilikwa keli ponomola ontiyali, methigathano lyoongalo omulongo dhingi dhoKwaito, koRadio Energy 100FM.

Young Kasi ongundu yomanyakwa ngoka ha ga ningi oongalo dha dhenga mbanda, no tadhi hokitha unene tuu ndhoka dholudhi lwoKwaito, oHikwa nodhopambepo.

 Ongundu ndjika okwa li ya totwa po momumvo 2003, kuJohaness Namuhuja, a tseyika nawa nedhina Choice, ethimbo ta hiti enongelo lye kosikola yopombanda, Academia.

Momumvo o2005, Alex okwa tula uukuni kumwe naChoice no ya tameke okuninga oongalo tadhi hokitha. Omukulu gwonale okwatile okadhila aluhe oha ka yala noluhozi lumwe. Shika otashi tsu kumwe nongundu yoYoung Kasi, ndjoka ya ende ta yi indjipala, sigo onena ta yi adhika niilyo ya adha pomugoyi.

Omvula oyo tuu ndjoka oya ningi euvathano lyawo lyotango ndyoka lyashainwa kohi yewiliko lyoAmes Investment, mwekwatelo komeho lya Ames Munyika, oshowo kElelo lyondoolopa yOndangwa, hoka ha ya mono omayambidhidho ga yoolokathana, 

Da Silva, oshilyo nomupopiliko gwoYoung Kasi okwa ti oyeli melongekidho lya kwata miiti okupititha oalubuma yawo yotango, ndjoka ya tengenekwa yi ka pite muAguste, omvula ndjika. 

Oyoung Kasi oha yi kala unene yu uvite uuntsa nuunambano omolwa eyambidhidho ndjoka ha ya mono kaayambidhidhi yawo, mboka ha ye yape omukumo, opo kaa ya shune nande monima. 

LEAVE A REPLY

Please enter your comment!
Please enter your name here