Ookume yaali onkene ta ya pula komeho

0
201

Ku Pinehas Nakaziko

WINDHOEK Omukulugwonale okwa tile, omunwe gumwe ihagu itombola ona, shino otashi tsu kumwe naalumentu yaali, Onesmus Shitaleni a tseyika nawa Dearborn, naElago Seburoni a tseyika nawa Trupas, mboka ya tula uukuni kumwe ya ninge oongalo pamwe.

Dearborn otati edhiladhilo lyoku imba oyeli etelwa molwaashoka ya putukile mOshakati mono hamukala unene omainyanyudho ogendji, noya kala haya gongala piinyangadhalwa yomainyanyudho ngoka sigo ya tokola ya kale taya kutha ombinga.

Dearborn naTrupas oyena oongalo odhindji noya tseyika nawa onga yamwe yomaahikingalo haya ningi oongalo tadhi hokitha ngele tashiya moNooli, unene tuu moshitopolwa shOshakati nOngwediva, mono haya kutha ombinga pomauliko guunongo gaahikingalo oyendji.
Dhimwepo dhomoongalo dhaalumentu mbaka ongaashi Oparty, taya kwathelwa kuBlack Dice, We gona Make It, taya kwathelwa kuSoeklam, Show my Number, taya kwathelwa kuShex-D okutumbulapo ashike dhimwe po. 

Trupas otati yo ando oya pititha nale oaulubuma yawo yotango, a shike ihaya mono naana ethimbo lyagwana omolwa elongo. Oya kwashilipaleke aayambidhidhi yawo kutya ota ya ka pititha oalubuma yawo kuyele nuumvo, ndjoka tayi kala yina oongalo dhoKwaito dha kwata miiti.

LEAVE A REPLY

Please enter your comment!
Please enter your name here