Ovauliki voipindi vahapu va valeka outala vokulandifa pomaulikilo oipindi oneudo mOpuwo

0
221

Komutoolinghundana

ONGWEDIVA- Eilongekido lomaulikilo oipindi taa ka ningilwa pokapale komaudano modoolopa yaPuwo okudja Mai, 26 fiyo 31 oli li metifa. Okomitiee olongekidi oya longikida outala 40 vovanangeshefa vanini omo outala 28 va valekwa po nale. 

“Outala vovanangeshefa vanini, naavo vopokati mwa katelwa vovalandifi momapandaanda  ova valekwa po konima yoivike ivali eshi eshiivifo levaleko la ningwa,” Viktoria Haihambo oshilyo shokomitee yomalongikido osho a tumbula.

Outala 20 va xupa po ovovalandifi momapandaanda noutala aveshe va longikidwa ova valekwa po. Natango okomitiee olongekidi otai ka ongala i tale ngee tapa monika outala va wedwa po omulongo vovalandifi vomomapandaanda.

“Molwa odima yolusheno ya shakenekwa pefimbo lomaulikilo oipindi odula ya dja ko modoolopa yaPuwo, okwa didilikwa kutya  oya etifwa  kelongifo loikwamalusheno ihapu omafiya, eeskopa dokutalaleka, eeradio neeTv. Onghee okomitiee oya eta po efaneko lokwoongala opo ku holwe komwaalu wovalandifi vomomapandaanda ava kwa talika kutya omwaalu wo-45 ouhapu unene opo u fikifwe po-30,” Haihambo ta tumbula.

Okwa weda po kutya, fiyo opexulilo loshivike sha dja ko oikandjolonga ashike ivali yepangelo  ya valeka outala vomalandifilo, oshikondo shomayelifilo nomakwatafano opaungoba noshikondo shefiloshisho lomidingonoko.

“Otaku ka ulikwa yoo noimuna ngaashi oikombo, eedi neexuxwa ngee oda etwa”, edi oda wedwa po komunambelewa wokomitee yomaulikilo oipindi koshitukulwa shoimuna Irende Kavari. 

Okwa holola kutya, molwa odula inai loka diva odula ya dja ko, natango eengobe oda utama itadi dulu ku ya momaludi. 

Ngeenge outala vokulandifila opo ve li ,nena elishangifo otali twikile fiyo omefiku laxuuninwa lomaulikilo.  

Pokati opo  otwa kundana kutya pouvalelo weongelo loshimaliwa shelongifo momaulikilo oipindi  wa li pOpuwo Trade Fair Society Maalisa 31, 2014, okwa ongelwa N$139 150.

LEAVE A REPLY

Please enter your comment!
Please enter your name here