Aalumentu ya thikama oku kondjitha omahepeko gaakiintu

0
848

WINDHOEK – Ehangano lyaalumentu lyedhina Namibian Men Stand Up (NAMSU) olya gongalele poshiithanene shokuli tseyitha mpoka pwa dhanwa oongalo noshowo pwa hokololwa uutewo.Ehangano ndika olya indile oshigwana opo shi gandje omathaneko nkene elongitho lyoonkondo tali ningilwa aakiintu kaalumentu tali vulu oku kondjithwa.Sigo oompaka olya ti olya pewa omathaneko geli 104 pamushangwa.

“Otatu ka hogolola mo omathaneko ngoka omawanawa ngoka taga ka falwa komuperesidende oku tala ngele aawiliki yetu otaya vulu okutungapo omilandu omiwanawa oku kandulapo nenge oku shonopeka uuvu wehepeko lyaakiintu mboka wa vuka mokati kaalumentu yoshilongo shika,’ osho omulongekidhi gwehangano ndika Lukas Oscar a ti.

Ehangano olina edhiladhilo oku talelapo Outapi, Ongwediva, Eenhana, Tsumeb, Grootfontain, Rundu, Katima, Otjiwarongo okuza momasiku 24 Mai nuumvo. 

LEAVE A REPLY

Please enter your comment!
Please enter your name here