Chika a ningi omukalelipo gwongulumambo ORSRC

0
275

KuPinehas Nakaziko

WINDHOEKOmuhikingalo omuNamibia, Immanuel ‘Chika” Kamati, okwa pewa oshinakugwanithwa shokukala omukalelipo, no ambasanda yongulumambo ndjoka opo ya tungwapo mOshakati yedhina Oshana Regional Study and Resources Centre (ORSRC).

Meinekelo ndika, Chika okwali a pewa ishewe oshinakugwanithwa shoku tota okangalo hoka ta ka tanga ongulumambo, nota ka kadhana onkandangala esiku lyoshituthi shepatululo shongulumambo ndjika  komukokoli Peresidende Sam Nujoma muJuuli. 

Onga yimwe yomiinakugwanithwa yaChika iipe, ota ka talelapo omahala ga yoolokathana moNooli momwedhi June, onga oku tseyitha ongulumambo ndjika koshigwana nesiku lyepatululo lyayo. 

Ota ka monika nee pomahala ngaashi Etango Complex mOshakati, Oshana Mall mOngwediva, Gwashamba Mall mOndangwa, Ompundja nosho wo posikola Onamutayi. 

 “Onda nyanyukwa nondi uvite uuntsa nuunambano okumona ompito ndjika. Shino otashi ulike kutya oongalo nuunongo wandje owa taambiwa ko koshigwana, nota wu hokitha aaleli yetu. 

Ondina  okungonga nawa okangalo haka opo ndi gwanithepo shi nda inekelelwa, no konima shampa nda mana oshinyangadhalwa shika, otandi ka tameka okukwandjangela noalubuma yandje, oshoka omukumo noondjodhi dhandje oonene,” Chika tati.

Chika okwa gwedha po ta ti, shika oshili oshiholelwa oshiwaanawa kaahikingalo aashona opo ya tameke okwiimbwa ongalo tadhi longo, tadhi pukulula no tadhi hokitha aaleli yetu, yo ya mone oompito niinakugwanithwa iinene noyo pombanda.

Chika omuimbi gwoongalo dholudhi lwoAfro Pop noKwaito, okwa tamekele oku imba mo 2005 nongundu yedhina Kaimbi Style,  moka ali a imbi pamwe nomanyakwa omakwawo ngaashi Dingalo, Buju Katyoko, Pablo, Scala, Mr Night, Mafianu naDollar Sign, no yali ya pititha oaulbuma yawo yedhina Olla Pat mo2010. 

Momumvo 2011 okwali a totopo ongundu ye yoSweet Cool Family, ndjoka yashaina aahingalo ngaashi M-Size naSimmu.

Chika okwa pititha ko nee okangalo kotango kedhina Nangula, ya imba pamwe naK-Jay omuZambia, osho wo Bitulizo.

LEAVE A REPLY

Please enter your comment!
Please enter your name here