Da Silva a thigi po Ongundu Young Kasi

0
203

KuPinehas Nakaziko

WINDHOEK-Jackson Peuyelenga a tseyika nawa  Sucess Da Silva, osho i itsikulula pakathimbo omutenge gokuwilika nokukala omukwatelikomeho gwongundu yaa imbi omugoyi (9), yedhina Young Kasi.

Da Silva okwali a ningi oshilyo shoYoung Kasi momumvo 2006, nokwa kala enyakwa moku imba kaakunawe. 

Momumvo 2010, okwali a mono oshinakugwanithwa shoku kwatela ongundu ndjika komeho, omolwa ontseyo onene ndjoka a li ena moongalo, nomo ku kwatakanitha iipambele ya yoolokathana.

“Ita shiti itandi longele we kumwe noYoung Kasi, ashike onda hala  manga ndi ya pe ethimbo lya gwana yo ya koneke kutya kashishi oshipu, ngele tashi ya koshilongo shaana omuleli. 

Ote tsikile noku kwatha mpa ta ya pumbwa ekwatho lyandje, omanga ta ya ningi omalunduluko gonkalamwenyo. 

Opo wu kale omuleli omuwanawa owa pumbwa euvathano, elongelokumwe, nesimaneko wo lyaantu. 

Onkene shino nashiye okawi nokawi kaagundjuka opo tu kale tuna aaleli ya pyokoka nawa,”Da Silva tati.

Da Silva okwa holola kutya mo kukala kwe ongomuwiliki gwongundu Young Kasi oomvula Heyali (7), ongundu oya ulika eindjipalo mokukala kwe onga omuleli nokua tsu nondhikwa opo a monene ongundu ye iinyangadhalwa yomainyanyudho, nomakwatho ga yoolokathana mpaka naampeyaka.

Etokolo lyokuthiga po ongundu ndika okwe li ningi oshiwike shayi, omolwa iilyo yongundu mbyoka ya kala ya hala ewiliko lyawo yene, naishewe iilyo yimwe inayi musimaneka ongomuwiliki.

Ota ti  ye okwa hala a longele kumwe naahikingalo mboka yena esimaneko, oshowo eyitulemo miipewa yawo. 

Ngaashingeyi Da Silva otaka kala ta wilike manga Crazy Dogg, enyakwa moongalo dhoKwaito, a tseyikila woo nawa unene mOmukuto Gwaanambo, moVenduka.

 Oshiwike shayi Kundana okwa kundanekele kutya kamwe komuungalo wongundu yaa imbi aagundjuka omugoyi (9), yedhina Young Kasi, ta ka ithanwa “Chopo”, ota ke shi enditha nawa mooradio dhomoshilongo.

Okangalo ha ka opo kapitile kuyele nuumvo noka li ka ndhindhilikwa ke li ponomola ontiyali, methigathano lyoongalo omulongo hadhi hikwa noku pulakenwa mooradio dhi ili nodhili moshilongo.

LEAVE A REPLY

Please enter your comment!
Please enter your name here