Iilongo iikuthimbinga momaudhano go CAF ya tseyithwa

0
221

Komutoolinkundana

WINDHOEK – Namibia ke na uumbanda sho a pewa okudhana na Congo Brazzaville opo a vule okupita aye kongundu yuudhano wekopi hali ithanwa Confederations of African Football (CAF). Ngele uudhano mbuka okwe wu sindana nena shika osho tashi mu pitika opo a ka dhane mongundu ndjoka yi na oospana dha za ko Nigeria, South Africa na Sudan.

Ihe omudheuli gwospana ya Namibia yetanga lyokoompadhi Ricardo Mannetti okwa ti ye ke na uumbanda washa kutya oya pewa oshilongo shini opo ya dhanene nasho, shoka sha simana ooshoka kutya eitulemo nohokwe yuudhano oyo tayi ka kala oshinima sha shina oshilonga kaadhani ya Namibia.

Ngele Namibia okwa dhenge Congo Brazzaville nena ye ota ka mona ompito yoku ka dhana muudhano womanyakwa nenge mboka hawu ithanwa AFCON tawu ka dhanenwa moMorocco omumvo 2015.

Mannetti okwa popi oohapu ndhika a yamukula omapulo ga landula ehogololo lyoospana dhiilongo nkene tadhi ka dhana, lyo ndika olya ningilwa mo Cairo sha Egipiti Osoondaha ya yi. Namibia ota dhana na Congo Brazzaville momasiku 17 Mai moVenduka ye ta ka dhana oshikando oshitiyali ko Brazzaville momasiku 31 Mai nuumvo.

Ngoka a sindana uudhano mbuka nookoola odhindji ota ka tsakanene nomusindani pokati ka Libya na Rwanda. Opo, omusindani medhingoloko ndyoka etiyali oye nee ta ka  ya kongundu yuudhano ndjoka yina South Africa, Nigeria, na Sudana.

Mannetti okwa ti ospana yoBrave Warriors oya koka ngashingeyi unene tuu uule womimvo mbali dha pitipo, na oya pumbwa oku kala ya tala kombinga yuudhano wedhingoloko lyotango moka tayi ka dhana naCongo Brazzaville omanga ina yi dhiladhila kedhingoloko etiyali nenge tuu kongundu moka ando ndjika tayi ka dhana ngele oya sindana.

 “Otuna oku tameka petameko. Aantu inaya pumbwa okupopya kombinga yuudhano na Nigeria nenge na South Africa ngashingeyi.

Otuna oku taalela Congo manga, na onda kala ndishishi petameko kutya otatu ka pewa oshilongo oshidhigu.

Shoka twa pumbwa osho owala oku dhana nawa noneitulemo opo tu tulemo ookoola megumbo omanga inaa tu ka dhana koCongo oshoka itashi ka kala oshipu koBrazzaville”, Mannetti a ti.

“Kandina naa naa ontseyo oyindji kombinga yaaCongo ndele ondishishi kutya oye na aadhani haya dhana koFrance, oshikwawo ospana yawo oyina aadhani yeli nawa. Otuna ompito okudhana nayo noku ya dhenga muudhano mbuka.

Onkene ondi itaala kutya sho otse tatu tameke tango megumbo otuna okulongitha ompito ndjika opo tu  tuIemo ookoola odhindji.

Ospana otayi ka kala yi ilongekidha, na otwa tegelela ashike aayambidhidhi yetu opo ya holoke momwaalu omunene oku yambidhidha ospana yawo.Oshikwawo ospana naadhani oye na oku kala yena ehalo nondjala yoku sindana,’ Mannetti a ti.

LEAVE A REPLY

Please enter your comment!
Please enter your name here