Iilyo yewawa lyaakiintu moSwapo lya kumagidhwa lyi ilongekidhile omahogololo

0
246

KuLoide Jason 

ONGWEDIVA –Omupeha gwAmushanga gwewawa lyaakiintu moSwapo, Eunice Iipinge okwa kumagidha aakiintu mongundu ndjoka opo yi ilongekidhile nawa omahogololo.

Iipinge okwa lombwele aakiintu mboka yali ya holoka noya gongala poshituthi shedhimbuluko lyesiku lyoomeme mOkalongo mOlyomakaya kutya , omvula ndjika oyomahogololo na okwa tegelelwa opo aakiintu  yi ihumbate nawa noku ilongekidhila omahogololo.

Amushanga okwati kutya omusinda landu ngoka tagu kunkilile iilyo yoSwapo yi longe shi ikolelela kuuthike pamwe ogo shili na itagu ka lunduluka ngaashi aantu yamwe taa hokolola noku pukitha oshigwana.

Iipinge okwa londodha woo aakiintu opo ya dhilaadhile nawa yo ya yande oku nyateka edhina lyaSwapo ngele tashi ya pomapyopya gano omawinayi.

Omupopithi gwoomeme mOkalongo okwati woo kutya oomeme onkee ngaa natango yena oomwaalu omushona ngele tashiya komagwedhelepo go ku tota oompango noshowo okuninga omatokolo.

Oshigongi oshali wo sha dhimbulutha oomeme kutya nuumvo ogwo omumvo gwomahogololo na oya tegelewa ya kuthe ombinga shi thike pamwe naalumentu  shi ikolela komusindalandu gwongundu yoSwapo 50/50.

Okwati nee 50/50 uuthike pamwe mbuka ina wu tegelelwa nande wu ete etopoko mongundu tayi pangele.

LEAVE A REPLY

Please enter your comment!
Please enter your name here