Kuku Rauha ota pandula Kalunga

0
438
Kuku Rauha a kuutumba megumbo lye momukunda Ondjokwe megongalo Onankali moshitopolwa Oshikoto. Ota pandula Kalunga molwashoka emu aludhe kuuvu mboka wa li we mu kwata ombaadhilila.

KuMaria Namupala

ONANKALI – Omukokele gwomomukunda Ondjokwe mOnankali mOshikoto, ota gandja olupandu lwe kuKalunga ke shono emu aludha muuvu mono a limo. Rauha Nangula gwoomvula omilongo hamano nambali (62), okwa hololele oshifo shika kutya petameko lyomvula ndjino okwali a akukilwa kuuvu mbono kee heshi kutya owe mu adha ngiini okwa ka haluka ashike eli moombete moshipangelo shaNandjokwe. Ashike, ngaashingeyi kuku Rauna ota makuka ngaa nokuli nonande sho ta popi ito mu uvu nawa.

“Esiku ndyono onda penduka ashike ndika ninge okakalata kandje komahogololo, moku mana ina ndi ka monawe nkene she ende opo ndika iyadhe mo naasalesa, onda kala ndili moombete uule woshiwike ashike onkalo yandje ina yi lunduluka nande, ndohotola okwali a laleke ndje mo moombete nokuya kegumbo,” ta ti ngaa.

Okuza ngaa esiku ndyo kuku Rauha a kwatwa kuuvu mbuka ina vula we okweenda nokupopya okwa kala konyala ethimbo lyuule woomwedhi mbali itaa popi ye itee ende nande osha, ha yambidhidhwa owala koyana.

Okamwana kokankelo Nuusiku hono ha kayi kosikola oka holola kutya yina okwa kala nokuya koshipangelo ashike onkalo ye inayi tyapo nande ohwepo.

 “Aamwameme mba aakuluntu oya kambadhala oku kala taye mu thula sigo omagulu ga tameke taga inyenge oshoka ogali gasa, kagali haga inyenge nande, oya kala haye shi ningi ongulonene nuusiku ngele taya ka lala,” Nuusiku ta ti nga.

Kuku Rauha ota ti kali eshi shoka she mu adhele opo a adhike kuunkundi mbuka. 

“Otandi pandula Kalunga kandje sho a galulile ndje uukolele wandje nonande ihandi ende oshinano oshile otandi endeleko ngaa tandiya,” ta ti nga.

Ngaashingeyi kuku Rauna ota makuka ngaa nokuli nonande sho ta popi ito mu uvu nawa, owuna okukala wa pulakena neitulomo ashike ota ti kutya kali eshiwo ngele otaka haluka ta popi nenge te ende oshoka olutu lwe olwali lwasa thilu lwo kalwali halu inyenge.

“Kalunga otandi mu pandula, oshoka okwa longela ndje iilonga iinene kandali ndishi ngele onkalo yandje onayi ka lunduluka nonande iha ndi longo we iilonga yandje ngaashi ndali nale onde mu pandula unene,” pahapu dhe yemwene kuku Rauha osho tati nga.

Okwa pandula woo ayehe mboka ya kala noku mu kwathela, noku mutsa omukumo, naambono woo ya kala noku mu talelapo pethimbo lye lyuuwehame. 

LEAVE A REPLY

Please enter your comment!
Please enter your name here