Natu uvitheni ohapu ya Kalunga oku pitila moongalo dhopambepo

0
306

KuMaria Namupala

ONAYENA –  Omwaalu gwaa imbingalo aaNamibia otagu londo esiku nesiku. Paavo Hamukwaya gwoomvula 22 oku li omvalele ya Shigambo. Na oye gumwe gwomaahikingalo mbono ya tokola oku gandja etumwalaka oku pitila miiyimbo yopambepo. 

Hamukwaya  okwa  tameka okwiimba oongalo ndhika okuza omvula ya ziko sho a mono kutya okwa pewa oshitalenti nomagano gokwiimba nokwa tokola , opo e ga longithe ngaashi tashi vulika. 

Ashike molwa ompumbwe yoshimaliwa ndjono tayi nyengathana sigo oompaka ina pititha natango oalbuma okwa pititha owala okangalo kamwe hono taka ithanwa ovaitaveli.

 Okwa ti okwa hala opo aahikingalo ya gandje etumwalaka ewanawa nolyopambepo, yo ya gandje etumwalaka omolwa onkalo ndjono ya ninga ondhigu mo Namibia unene ngaa iimbuluma mbyono ya indjipala.

“Onda kwatwa kohokwe ndi tameke okwiimba oongalo dhopambepo ngame ndi uvithe ohapu yOmuwa okupitila moongalo, nonande shi li oshidhigu okupititha oalbuma ondina okulonga nuudhiginini opo ndi kale nda pititha oalbuma yandje yotango” Hamukwaya ta ti nga.

 Omwiimbi nguka okuna ongundu hayi ithanwa Grace gospel group na okwa tokola opo a kale a pititha oalbuma ye yotango ando pehulilo lyomvula ndjika. 

“Otandi indile kehe tuu ngoka ehole omaimbilo gopambepo nokuna ehalo oku kwathelandje naashoka enapo opo ndi vule oku pititha oalbum yandje nelalakano opo omuNamibia kehe a pulakene etumwalaka lyopambepo ndyo tandi gandja,” Hamukwaya ta tsikileko.

 Okwa gwedhako ta indile kehe ngoka a pewa oshipewa nenge omagano gontumba opo ega longithe ngaashi sha pumbiwa, ina ya kala noku holeka. Okwa imba nee pamwe na Fire, Jennifer oshowo Martha. Ta pandula ayehe mboka ta ye ke mu kwathela. 

LEAVE A REPLY

Please enter your comment!
Please enter your name here