Oshikungulu sha halutha aanafaalama

0
265

 

KuLoide Jason 

ONGWEDIVA – Aanafaalama yomuumbugantu woshitopolwa shaShikoto oya dhengwa pomutima nokuthigwa pomutenya  koshikungulu shoka sha hanagula po  iilikolomwa yawo yo mepya metine lyoshiwike sha ziko.

Onkalo ndjoka ya holoka momukunda Ongombe – tayi-tumbu popepi nomukunda King Kauluma  moshikandjohogololo shOmuthiya oya hanagulapo iilikolwamo yaanamapya mbyoka ya adhika nale ya lika po ko kalombo.

Shi ikolelela nee kuuyelele wa gandjwa ku gumwe gwomaanafaalama mboka  ya dhengwa ya ehamekwa koshikungulu Helena Kamati okwati ngashingeyi yo oya limbililwa kutya otaya ka hupa ngiini shaashi oya tegelela ashike oku teya mo okashona nenge itaya mono mo nande osha.

Oshiningwanima shika osha halutha nee aakwashigwana pokati kotundi 19h00-20h00 lwaampoka  sho oofamaii dhali tadhi ilongekidhile  oku kalala.

Aanamukunda oya lombwele Kundana kutya shika osho oshikungulu oshidhigu ya tsakaneke monkalamwenyo yawo  na shoka ya penduka  oya adha omapya gawo ga toka oompawe nomeya ogendji ga dhikulamo iilya nokuyi langeka.

“Shono twa penduka epya alihe olyali ashike lya toka tootoo, oompawe nomeya ogendji gendji taga kungululuka mepya na oga kungululapo iilya niilikolwamo yimwe,” Kamati ati.

Kamati okwa ti oshikungulu sho sha tameke omo ya adhika megumbo naanegumbo pamwe naye  na ngashingeyi okwa lulilwa nokwa nyengwa kutya  otaya hupu ngiini.

“Otwa kanitha eliko lyetu olindji noonkondo kandiwete ta tu kala tuna iikulya nuumvo megumbo lyetu,” Kamati a ti.

Omakunde, oofukwa , iilya niilyaalyaka oyo yimwe yomiilikolwamo mbyoka aanafaalama haya ipalutha nayo uunene pethimbo ndika lyokufu.

Ongombe-tayi-tumbwa ogo omukunda ngoka guna ashike aakalimo ya ikolela miilikolwamo yomomapya  na omukumo gwawo gwo ku tidha po ondjala nuumvo onkee ngaa gwa teka po.

LEAVE A REPLY

Please enter your comment!
Please enter your name here