Osikola Mateus Nashandi ya pewa omagano koombushe

1
554

KuMaria Namupala

UUYOKA – Momasiku sho gali 19 Apiilili, Osikola Mateus Nashandi ndjono yali hayi ithanwa Iikokola, yili moshikandjolongo Onathinge oyali ya talelwapo koombushe yawo konyala ayehe mbono ya lukilwa omaboloka oshowo oongulu dhosikola penongelo ndyoka.

Omaboloka ngano nenge ngoka ga kala ga lukwa nale, oombushe ayehe ka ya li ya kwata oombushe ngaashi hashi ningwa poosikola.  Ayehe mbono ya lukilwa omatungo oyali ya holoka  mokati kawo omwa kwatelwa Ben Kathindi,Thomas Niilonga, kuku Sesilia  Munkawa, Sandro Uugwanga na Jerry Shilumbu okutumbulapo owala yamwe.

Oombushe yoskola mbaka oyali ya talelepo  Mateus Nashandi noku gandja omagano kosikola ndjika, ngaashi omambo gaanaskola, oocompiuta dhopiitafula oshowo ndhono dhopeke (laptop), omambo gokulesha goondondo dhopevi,iipundi niinima oyindji mbyono ya pamba elongo. Oyali woo ya gongele oshimaliwa koomuma shoodola  N$ 22 000.00 yo ya tale kutya osikola otayi shi longitha shike yo yene.

Petrus Uugwanga ngono oye eli omunani gwoskola ndjika okwa pandula ayehe sho ya holoka noku kala oyo ookadhenga yesiku ndika. Okwa ti elalakano okulukila aantu omatungo okugandja ashike esimaneko kwaamba ya longa nale poskola naamba ya kala haya gandja omakwatho.

Okwa ti oya hala opo aanasikola ayehe ya sikola posikola mpaka ye ye pamwe noku tala nkene oskola yawo tayi humu komeho nonkene tayi shi enditha melongo. Konyala oyendji ya longwa poskola mpaka aalongi, aapangi na yamwe oyena iilonga tayi hokitha.

Esiku olyo tuu ndyoka opwali pwa gandjwa omapapa kaanasikola nokaalongi mboka ya longa nawa omumvo gwayi. Aina Mbago oye eli omunaskola dhingi sho a shanga ondondo onti 10 nokwa mono iitsa o38, ngu e mu landula oye Lucia Kuduva naye okwa li a mono iitsa iiwanawa mondondo oyo tuu ndjoka ngaashingeyi oyeli mondondo onti 11. Aanasikola mbano oyali ya pewa omagano giimaliwa oshowo iikwathitholongo.

Omukuluntuskola gwoskola ndjika Salatiel Heita okwa pandula ayehe mbono yi imangulula kiilonga yawo noku kala oombangi nkene taya taamba omagano gawo ngono ya pewa kookuume kawo. Ta tsikile nokupandula oombushe mbaka mu ashihe shoka ya eta po ta ti naya tsikile okuya longela uuwanawa oshoka sho ye ya hogolola oye ya inekela.

“ Otandi gandja olupandu lwandje lwa shewa ku Gibbo Shipena gwongeshefa yo Gibbo , sho ye aluhe he tu yambidhidha okuza mo 2009, Gibbo oha gandja omagano kokanona kehe ka pita nawa noha kwathele woo osikola yetu, otandi mu pandula unene tandi mu indile a tsikile noku tu kwathela,” Heita ta gwedhako.

1 COMMENT

LEAVE A REPLY

Please enter your comment!
Please enter your name here