Aadhani yopaigwana yotennis ota ye ya koWindhoek

0
209

Komutoolinkundana

WINDHOEK –Konyala aadhani 100 muudhano wotennis waadhani kohi yomimvo 18 yaza ko South Africa, Germany, Great Britain, India na Zimbabwe oyi ishangitha opo ya ka dhane muudhano wa simana waadhani yokohi yomimvo 18 wo ITF tawu tameke moVenduka oshiwike tuuka.

Uudhano wotango wotoonamende yo ITF  owa tamekele nale moVenduka Osoondaha na okwa tegelelwa wu ka dhanwe lwahugunina Olyomakaya ndjika. Omanga uudhano uutiyali wo ITF Grade 4 Namibia Open Junior  otawu ka dhanwa oshiwike tashi ka landula, nuudhano wahugunina waambuka otawu ka dhanwa momasiku 17 Mai.  Olweetho olutiyali luudhano mbuka otalu ka dhanenwa kohi yewiliko lyolutu luudhano wotennis lwa Namibia nenge NTA, mbuka otawu ka dhanwa kaadhani mboka yali ya kuthombinga muudhano wotango  taya thigathanapo okuza momasiku 11- 17 ga Mai nuumvo.

Aadhani ya NTA mboka taya humithwa komeho muudhano mbuka oyo taya ka kwathela pethimbo lyuudhano ongo aatooli yuutanga, elalakano opo yo ya tale aadhani yakwawo nkene taya dhana opo yi ilonge yo ya hwepopeke omukalo gwawo gwoku dhana mokukala puudhano mbuka.

LEAVE A REPLY

Please enter your comment!
Please enter your name here