Aanamibia taya kutha ombinga muudhano woKarate-Zen wopaigwana

0
294

Komutoolinkundana

ONGWEDIVA – Osheendo shaadhani yeli  56 shaNamibia Karate-Zen otashi kutha ombinga muudhano woKarate-Zen wokomumvo wopaigwana tawu ningilwa moKapa sha South Africa ehuliloshiwike ndika.

Ospana ya Namibia oya thikama maadhani yaza mookluba dho Karateka Zen dhomoondolopa ndhika  Oshakati, Windhoek, Lüderitz no Tsumeb. Omudheuli omukuluntu nenge omukomeho gwokluba yokOshakati Freddie Mwiya okwa ti ospana yaShakati oyi na mo aadhani 18 mosheendo shoka.

Ospana oyina aadhani yokarateka 27 mboka ya piti okukadhana muudhano woshitopolwa oshithamano mboka tawu ka dhanenwa koZambia momwedhi tuuka. “Ospana ndjika oyili nawa oshoka oya kwatelamo aadhani yokarateka mboka yena ontseyo onene ye yi imonene moku kuthombinga momaudhano gopaigwana ngaashi mboka ya dhanene muudhano wo Zone Six wa zileko,” Mwiya ta ulike. Mwiya okwa pandula ehangano lyiitungitho lyo Penny Pinchers sho olyo hali kwathele noku yambidhidha okluba yOshakati Karate-Zen.

 “Yo kokutya (Penny Pinchers) oya kala noku tu yambidhidha uule womimvo ndatu dha pitipo ye tu yambidhidha sigo oompaka noodola omayovi 60, nopethimb ndika ehangano ndika olya gandja oondola omayovi 10 okufutila olweendo lwospana ndjika okuya koKapa,” Mwiya a ti.

LEAVE A REPLY

Please enter your comment!
Please enter your name here