Frans Mc a pititha oalubuma “Testimony”

0
216

KuPinehas Nakaziko

WINDHOEK-Nande Frans Mc Shikongeni (30)okwa  pititha oalubuma ye ontiyali yoongalo dhopambepo tayi ithanwa Testimony, oshiwike sha piti.

Oalubuma okwali eyi tseyitha pambelelwa moHakahana Community Hall moKatutura.

Frans Mc okwati oalubuma ye otayi shi enditha nawa kooradio Dhoshiwambo ngaashi Radio Chanel 7, Omulunga nosho woo koNBC koradio yOshiwambo.

Moalubuma muka otamu adhika uungalo ngaashi hoka keli ponomola ontihetatu I am More Than Conguerors, ta kati ngame omusindani.

 “Ngame ondihole okangalo haka oshoka otaka longo nokutsa aantu omukumo kutya mukehe shoka taya ningi, eyamukulo otali zi ku Jesus Christ, yo na ya inekele muye,” Frans Mc ta ti.

Okangalo hoka keli ponomola ontine  Let the Poor says, oko kamwe komuungalo hawu inyenge nawa noonkondo adhihe moalubuma nokena omukwelengendjo gwoongalo dhopombanda.

Moalubuma muka okwa kwathelwa kuNdina Shafuda, Emily Mutumbulwa, Victoria Daniel na Hilma. Okwa tegelelwa ihe a ka thaaneke oka Musiki video kongalo “I am more Than Conquerors” pehulilo lyomwedhi nguka.

 Frans Mc omulumentu ngoka a valwa pethimbo lyekondjelo manguluko moKwandu Cubango muAngola, nokwa holokele moshilongo konima yemanguluko naakuluntu ye.

LEAVE A REPLY

Please enter your comment!
Please enter your name here