A ningile aagundjuka oshigongi

0
168

KuMaria Namupala

ONAYENA –Oshiwike sha ziko omunashipundi gwaagundjuka moshikandjohogololo Onayena okwa li a ithana aagundjuka yomOnayena onomenawina, opo ya ka kukundathande  iinima mbyono ya pamba aagundjuka.

Johannes Ngula okwali a popitha aagundjuka molwonkalo ndjono tayi inyenge muuyuni wonena, okwa li a gandja etumwalaka opo ayehe ando ya kale ya holoka ashike okwa li a uvu nayi oshoka aagundjuka oyendji ka ya li ya holoka nande.

Ngula okwati esiku ndyoka ando okwa li a tegelela aagundjuka ye thike nenge opo milongo ntano ashike sho eya pehala mpono okwa adhapo owala yeli ya heyali shono shali she mu uvitha nayi noonkondo.

Nonande a li a adha po owala omwaalu gwaagundjuka omushona shino ina shi mu shololitha nenge ando a shune monima. Ngula okwa kundathana owala nawa naagundjuka mbaka nonande ya li momwaalu omushona.

Aagundjuka mbaka oyali yi ikundu iinima mbyoka tayi ya tungu moonkalamwenyo dhawo. 

Ngula okwa indile aagundjuka yi ikaleke kokule nomalovu oshowo iingangamithi oshoka oku wete kutya oyo tayi kumike eindjipalo lyiimbuluma moshigwana.

Ngula okwa tsu aagundjuka omukumo ya tote po oompito dhiilonga ku  yo yene, yo  ya simaneke oku longa iinima noonyala dhawo. 

Oya li ya uvathana  ya kale taya gongala kehe omwedhi ya kale taya kundathana iinima mbyoka tayi ya tungu, shi vulithe owala okukala pomahala gomanwino mpono kaa puna nande uuwanawa washa ashike otaya teyapo owala oonkalamwenyo dhawo noku dhi tula muupyakadhi.

Oya eta po edhiladhilo ya totepo oshikunino mono taya kala noku longa iiyimati oshowo iikwamboga yo ya vule okumona mo sha sho kwiikwathela nelalakano oku kondjitha ashike onkalo yoluhepo noyo kwaahena iilonga. 

Oya hogolola aagundjuka yatano mboka taya ka kalelapo aagundjuka yOnayena kesiku lyaagundjuka tali ka dhanenwa koshikandjohogololo shaNiipa ehuliloshiwike ndika. 

Ngula ta indile kehe ngoka ta vulu okuthika a kale a holoka yo ya ka tungathane naanyasha yaza kiitopolwa ya yooloka.

LEAVE A REPLY

Please enter your comment!
Please enter your name here