Okanona kasi sho ka gwile meyemele lyomeya

0
231

KuMaria Namupala

ONAYENA – Okanona komvula yimwe noomwedhi komOmpugulu mOnayena, oka mana oondjenda dhako momasiku ngano, sho ka gwile meyemele lyomeya.

Oshiningwanima shika osha ningilwe mEtiyali lyoshiwike sha ziko. Otaku hokololwa kutya, okanona haka okali keli megumbo naakuluntu yako ashike anuwa oka kala ta ka dhana kiikalela manga aakuluntu ya gondja.

Sho nee anuwa ya ka za mo mondunda omumwainagona gwa yina yokanona okwa adha ashike okanona haka keli meyemele lyomeya ashike inali iha tapo nande osha, oya adha owala lya thikama lyu ukilila.

“Moku tala tango otwa li tatu ti okena omwenyo ashike nani ehalo lyaKalunga halyo lyetu oka hulitha nale. 

Otwa dhengele opolisi noku ilapo omudhimba,” Yinagona ta ti nga.

Selma Niilonga opo owala a hulithile poshiningwanima shika. Yina yokanona, Alina Wilbard okwa ti oshinima shika osheya halutha unene noonkondo. 

“Nonande ndali nda haluthwa kokanona kandje ondi indile oonkondo ku Kalunga opo ndi taambeko uudhigu mbuka wuli ngaashi wuli, oshoka Kalunga oye mwene ha gandja noye ha kutha onkene edhina lye nali simanekwe,” Alina ta ti nga nomukumo nonande eli moluhodhi lwokanona ke.

Opolisi yaNayena oya koleke oshiningwanima shika. Efumviko lyaSelma olya ningilwe mEtitatu lyoshiwike shika, oku ziilila mongeleka yaNayena. 

LEAVE A REPLY

Please enter your comment!
Please enter your name here