Uudhano woongonyo moVenduka Olyomakaya

0
171

KuOtniel Hembapu

WINDHOEK –Ospana yokudhenga oongonyo yaNamibia otayi ka ya koSpain omwedhi nguka okuka ilongekidhila uudhano wo Commonwealth mboka tawu ka dhanenwa mo Glasgow sha Scotland mu Juli nuumvo. Ospana yaadhengingonyo yaashi yopaithano otayi ka ya koSpain okukala momadheulo gowina ga longekidhwa melongelokumwe nomalutu omawiliki guudhengingonyo ga Namibia na Spain. Momadhewo ngaka oospana ndhika mbali otadhi ka joinwa wo kwaandhoka dhoko Russia naCuba. 

Omanga aadhani yoongonyo aaNamibia inaa ya ya molweendo lwokoSpania, otaya ka kala nuudhano woongonyo Olyomakaya ndjika , moka taya ka kondjithathana naadhengi yoongonyo yoko South Africa.

Uudhano mbuka okwa tegelelwa wu ka kale uuwanawa, oshoka otamu ka kala omalugodhi itaa ga nuwa meya. 

Unene tuu sho aabokisi ya Namibia ya hala oku ipopila konima sho yo ya li ya dhengwa kospana ya South Africa pethimbo lyethigathano lya African Boxing Federation Zone-4 ndyoka lya ningililwe mo Pretoria omwedhi gwayi.

Ospana ya Namibia ndjoka tayi ka dhana muudhano woongonyo Olyomakaya ndjika oya thikama maadhengingonyo mboka ya li ya kuthombinga muudhano womwedhi gwayi. Ospana ya Namibia oyi li miikaha yomudheuli a kalamo nale muudhano mbuka, Mistake Gariseb taya longo pamwe na Joshua Veikko.

Okwa tegelelwa omalugodhi omawanawa oshoka Namibia okwa hala oku ulika kutya ye keshi okatana. 

Okwa hala wo oku ulika kutya nonande okwa taalela ondundu onde pakubokisa na South Africa, ye okwa itaala kutya kehe shimwe otashi vulika shampa ashike pena ehalo oku shininga.

Elalakano enene lyuudhano wOlyomakaya oku longekidha aabokisi ya Namibia ya kale ya pya pevi uuna taya ka ya kuudhano wiigwana yoCommonwealth mboka tawu dhanenwa moGlasgow sha Scotland  mu Juli. Oshikwawo uudhano mbuka owuli wo eilongekidho oku ilongekidhila uudhano wOlympica mboka wu li ko omumvo tuuka mo Rio de Janeiro shaBrazil

LEAVE A REPLY

Please enter your comment!
Please enter your name here