Ekopi lya Hage Geingob lya tseyithwa

0
214

KuOtniel Hembapu

WINDHOEK – Oospana hadhi dhana moliha yopombanda ya Namibia odha pewa ishewe ompito yimwe okuthigathana po noospana dhingi muuyuni. 

Ompito ndjika oya holoka po sho pwa etwa ekopi lyokomumvo tali kala hali ithanwa Dr Hage Geingob Soccer Cup. 

Ndika olya li lya tseyithwa noku tulwa miilonga moVenduka oshiwike shika.

Ekopi ndika olya lukilwa Omundohotola Hage Geingob omolwa iilonga ye yaana ezimbuko moku yelutha po noshowo mokuhumitha komeho uudhano moshilongo, unene tuu mboka wetanga lyokoompadhi

Ekopi ndika otali kala olyo lyotango  hali dhanenwa koospana dhetanga lyokoompadhi moshilongo tadhi kondjitha omanyakwa getanga lyokoompadhi giilongo yopuushiinda ngaashi  South Africa, Angola na Zimbabwe oku tumbulapo ashike yimwe.

Uudhano wekopi ndika wotango otawu ka dhanwa pokati kenyakwa lyo Premier liha ya South Africa ndyoka olyo Mamelodi Sundowns. 

Uudhano mbuka otawu ka dhanwa momasiku 25 Auguste nuumvo pokapale ka Independence Stadium moVenduka, ndjoka tayi ka dhana na yimwe yomoospana dhomo Premier Liha, tayi ka hogololwa okupitila momatumwalaka omahupi gopasellphona.

Oospana adhihe dhomoliha odha indilwa opo dhi kumike aayambidhidhii yadho opo ya tume uutumwalaka uuhupi, taya tumu edhina lyospana konomola 5002. 

Etumwalaka kehe otali futwa oodola mbali . 

Ehogololo olya tameke Etiyali oshiwike shika na otali ka hulila momasiku 20 Mai nuumvo.

Moku taambako shikaGeingob okwa pandula  oNamibian Premier noshowo ayehe mboka ya longo neitulemo okusoshimpwiyu kutya ethigathano ndika olya tameka.

Okwa ulike einekelo lye kutya ethigathano ndika otali  ka kala ewanawa mokuhumitha komeho uudhano wetanga lyokoompadhi omolwa omapipi tageya.

“Aantu oyendji ohaya kala nokupula eitulemo lyandje muudhano noshowo kutya omolwashike ndihole uudhano wetanga lyokoompadhi, omanga yalwe otaya dhiladhila  kutya ngame omutali ashike gwowala puupale wetanga. 

Shoka yena okutseya ooshoka kutya ngame ondali omudhanitanga pethimbo lyuugundjuka wandje, na onda li nda dhana methigathano noospana dha yooloka dhoko South Africa, oshoka ashike ngame kwali nda za moshilando oshishona Tsumeb moka uudhano wetanga lyokoompadhi wa li inaawu huma nawa komeho pethimbo ndiyaka. 

Onkene onda kala noku itulamo muudhano unene wetanga lyokoompadhi uule womimvo odhindji, otandi dhiladhila kutya esimaneko ndika lyokulukilwa ekopi lyOmundohotola Hage Geingob Soccer Cup olya opala,” osho Omuprima gwa Namibia a ti.

LEAVE A REPLY

Please enter your comment!
Please enter your name here