Ohauto ya gavena Nghaamwa yiipumu mumwe neshina kolutenda

0
336

KuLoide Jason

ONGWEDIVA – Omuhingili gwaNgoloneya gwoshitopolwa shaHangwena, okwa hupu moshiponga oshitilithi mondjila yolutenda lwaNdangwa naShikango metitano sho iipumu mumwe neshina lyokolutenda.

Oshiponga osha holoka pokati kohauto yopambelewa yaNgoloneya, Usko Nghaamwa  neshina lyokolutenda ndyoka aniwa lya ngwandjula ohauto ndjoka.

Omahokololo gaatali nawa otaga ti, oshiponga shika osha holoka konima sho omuhingi nguka a helula Ngoloneya Nghaamwa koshituthi hupulitho shomunapolitika omukwawo, Maria Tuleingepo Kombwana  ngoka ali kansela gwoshikandjohogololo shOhangwena.

Oshiponga ina shiningilwa kokule negumbo lyanakusa Kansela mpoka pwali pwa helulwa Ngoloneya.

Opolisi yaHangwena oya koleke oshiponga shika na oya ti kutya ngoloneya kali mo nomuhingi ina mona oshiponga .

Aniwa omuhingi ngoka a li mo oye awike mohauto okwa ti okwali taka nwetha omahooli pongalashe yepangelo kondoolopa yaHelao Nafidi.

Nonando ookatalekonawa oyati kutya eshina okwali tali hikagula oombendo, omuhingi okwa ti ye ombendo ine yi uva.

LEAVE A REPLY

Please enter your comment!
Please enter your name here