Oongonyo pOmuthiya Olyomakaya ndjika

0
271
‘The Rock’ Ambunda ota tsakanene nomukondjithi gwe gwokoChile Olyomakya ngaka pOmuthiya. Opo a tale ngele oye ta sindanapo omapaya ngoka taga kondjelwa go gaanaa mwene pethimbo ndika.

KuOtniel Hembapu

WINDHOEK – Omudhengingonyo gwaNamibia nenyakwa lyuuyuni nale Paulus ‘The Rock’ Ambunda ita dhiladhila nando okudhengwa shota ka tsakanena nomukondjithi gwe omuChile Cristian Palma molugodhi lwokukondjela epaya lyoInternational Boxing Federation (IBF)/World Boxing Association(WBA) Super Bantamweight International ndyoka lyaana mwene Olyomakaya ndjika pOmuthiya.

Ehalandjandja ly Omuthiya Park opo tapa ka dhanenwa uudhano mbuka woongonyo wadhenga mbanda, mpoka aaholi yobokisa taya kamona sho Ambunda ta ka longa neitulemo opo a kaleke omapaya ngaka megumbo noshowo a galukile momalugodhi konima sho a ningi ethimbo  inaa kondja.

Pethimbo lyoshigongi shiikundaneki oshifupi moVenduka oshiwike shika Ambunda ina lyalyakanitha nando ohapu na okwa uvanekele aayambidhidhi ye kutya ita ka endulula nando epuko ndyoka a li a ningi sho a kanitha oshishani  sho eshi yugwa molugodhi lwe na Tomoki Kameda gwa Japan omumvo gwayi.

Olugodhi nduka kalushi ashike lwoku kondjela epapa ku Ambunda ndele ngele okwa sindana ndyoka otalu ka yeluthapo einekelomwene lye, noshowo oku ulika kutya ondjila yini ta kalandula monakuyiwa mondjundo yo Super Bantam. 

Ambunda okwa joina ondjundo ndjika okuza pwaandjoka yoBantamweight.

Omanga aayambidhidhi yAmbunda yena einekelo kutya ota ka kaleka omapapa agehe ngaka megumbo, omukondjithi gwe Palma okwa ti elalakano lye oku sindana po omapapa ngoka na ina tegelela oku keelelwa kusha mondjila ndjoka oku faalela omapapa ngoka ko Chile.

Omudhengingonyo  eholike kaayambidhidhi, Tyson Ushona okwa uvaneke taka tameka mpoka a li a hulile sho a li dhengemo omukondjithi gwe omuSouth Africa, Kaizer Mabuza. Ushona ota ka popila epaya lye sho ta ka kondjitha omuGhana Ebenazer Lamptey.

Kongulohi ndjoka, Vikapita ‘Beast Master’ Meroro ota ka lwa moku gamena epaya lye lyondjundo yo Cruiser yaAfrica yo WBO, sho ta ka kondjitha omuTanzania, Alphonce Mchmistumbo. 

Aabokisi mbaka yaali oyo aalumentu yiipapa yolutu. MTC ngoka haa yambidhidha uudhano woongonyo kohi yenongelo lya Nestor Tobias Sunshine okwa gandja omagano giiyenditho kenongelo ndika opo li vule oku kala tali inyenge nawa miinakugwanithwa yalyo yesiku nesiku.

LEAVE A REPLY

Please enter your comment!
Please enter your name here