Patrick Phiri a ulikwa omugandjimayele gwa Namibia

0
264

KuCarlos Kambaekwa 

WINDHOEK – Oonkambadhala okumona okomenda okuza kolutu talu wilike uudhano wetanga lyookoompadhi inadhi tompola sha oku koleka shoka tashi popiwa kutya opwa tegelelwa omuniilonga omupe ngoka taka kwathela ospana yopashigwana yo Brave Warriors.

Amushangandjayi gwa Namibia Football Association (NFA) Barry Rukoro oshowo omuwiliki melelo lyo Brave Warriors, Tim Isaacs ayehe inaya monika pangodhi opo ya tye sha konkundana ndjika.

Omapulo ngaka okumona okomenda kaawiliki yuudhano wetanga lyokoompadhi oga holoka sho kwa kundanwa kutya omudheuli  gwospana yomoZambia yedhina Green Buffaloes okwa ethapo iilonga mbyoka opo a taambe iilonga yuugandjimayele wopauteknika kospana yaNamibia yo Brave Warriors.

Patrick Phiri ngoka a li wo omudheuli gwospana yopashigwana ya Zambia yedhina Chipolopolo okwa koleke onkundana ndjika kutya ota thigipo ospana yo Buffaloes konima sho a tseyithilwa ko NFA kutya otaye mu pe iilonga mbika yoku gandja omayele.

“Oshili oyo ndjika kutya ngame onda pewa ompito yiilonga kolutu halu wilike uudhano wetanga lyokoompadhi lwa Namibia, lwa ti otalu pendje iilonga ongo omugandjimayele gopauteknika kospana yopashigwana ya Namibia,” osho Phiri  a koleke omupopyo ngoka.

“Sho ompito ndjika yiilonga nde yi tseyithilwa onde yi kundathana naahona yandje metanga lyaakwiita, na yo oya pendje eyambidhidho noku pitika ndje opo ndi taambe iilonga mbika.

Inandi vula okutinda iilonga mbyoka oshoka mbaka oyati oya kongo ndje mokati kaantu oyendji ishewe iilongo yetu iyali oyi na omakwatathano omawanawa okuza nale nale, onkene ngele otandi vulu oku kwatha nena shika otashi kala esimano enene kungame,” osho Phiri a ti.

Phiri, ngoka a li omudheuli gwospana ya Zambia mekopi lyoFIFA lyaadhani yokohi yomimvo 20 omumvo 1999 moNigeria, okwa dheula wo oospana ngaashi Nkana, Napsa Stars na Simba Sports Club ya Tanzania na okwa sindana ekopi lyuudhano kohi yoFAZ Super League nospana yaNkana omumvo 2001.

Kape shiwike kutya iinakugwanithwa ya Phiri otayi kala oyo yinipo  oshoka NFA okuna nale omuwiliki gwopauteknika  gwedhina, Klaus Starke.

LEAVE A REPLY

Please enter your comment!
Please enter your name here