A uvithwa nayi koosecuriti

0
267

KuMaria Namupala

ONDANGWA – Omusamane goomvula dhopokati okuli a uvite nayi omolwa ehepeko ndyono a ningilwa ku dhimwe dhomoosekuriti dhehangano lyaShilimela.

Pamahokololo, Leonard Iyambo okwa yambukile moshitopolwa shaMusati nelalakano a konge iilonga mOndangwa. Ye mwene okuli onga omukeeleli gwomaliko pu yimwe yomoositola dhaaChiina poYetu, ye oha longo nee paumwene.

Iyambo okwa holola euvonayi lye sho anuwa ali a ponokelwa kudhimwe dhoomosecurity dha Shilimela noku mu tula miiketanga pehala lye lyiilonga.  Okwa hokolola kutya shino osha holoka sho aagameni yomaliko mbaka ya adha okapundi keli pondje ko okali ka kuutumbwa ku yamwe yomaalandithi yomomapandaanda mbono haya kala noku tidhwatidhwa koosecurity ndhika.

“Aamati mbano yeli yaali oya ponokele ndje, ya hala noku dhenga ndje kolutu ashike otaya lundilendje kutya ondeya ningila omanganga  ashike ngame ondali owala te kambadhala ndiya uvitheko nawa ngaashi tashi vulika,” Iyambo ta ti nga.

Okwa gwedhako tati oya kala taya pilikisha ethimbo alihe sigo aakwashigwana oyendji taya gongala. 

Oosecuriti ndhino odhe mu tula miiketanga noku mu tsinina omuku ngono gwa kala tagu piyaganeke noku stopa mbono ya hala okulanda iilandomwa yawo mostola omo tuu moka. “Aagameni yomaliko ya Shilimela oya dhina aantu unene oshoka yo ohaya ikuthile ompango kuyo yene, oya uvithandje nayi noonkondo oshoka tango oyali yena oku pulakena nawa, etaya popi nomuhona gwandje oshoka naye opo a adhika ethimbo ndyo ashike shino inaye shininga. 

Onda kala nda mangelwa miiketanga moka ngiika uule wominute 30 na onda ka mangululwamo kaaniilonga ya Shilimela yamwe sho ya pulakene ehokololo noku mona kutya ayihe oyaa fele,” Iyambo ta tsikileko nondjahi.

I yambo okwati nonando ye mu mangululamo ngeyi oku uvite nayi unene ngaa sho a negwa kiikaha ye kiiketanga. Okwa lopota oshinima shika kopolisi.

Omukuluntu gwehangano lyo Shilimela Security Services,  Banda Shilimela sho a pulwa okommenda  ye kombinga yoshinima shika okwa ti okwe shi uva na oya ninga omakonakono nokumona kutya  omusamane, Iyambo kali a hala a gandje elongelokumwe noosecuriti dha Shilimela sho, osho sheeta a longwe naye komukalo ngoka. 

Shilimela okwa indile oshigwana shi gandje aluhe elongelokumwe lyasho naagameni mbaka  oshoka yo oye lilepo okukalekapo ombili nelandulathano.

LEAVE A REPLY

Please enter your comment!
Please enter your name here