Kaambu iidhipagele mondholongo

0
273

KuRoland Routh

WINDHOEK –Loise Kaambu, omukiintu omwaanawa ngoka a li miikundaneki oomwedhi mbali dha piti sho a dhenge omutse gwomunona gwoomvula ne polupanda lwosamende lwondholongo yopolisi poWanaheda okwi idhipaga oshiwike shika.

Kaambu okwiidhipaga oshiwike shika Omaandaha kongulohi  muusele wopolisi poGobabis , hoka aadhika a lundululilwa konima yokunyenyeta kutya okwa ningilwa omatilitho gedhipago okuza kaanandholongo ooyakwawo pondholongo yaamboka ya tegelela epangulo popolisi ya Wanaheda.Okwa li a tseyitha oshinima shika pethimbo a li a holoka ishewe komeho gompangu. Omahokololo inaaga kolekwa oga ti Kaambu okwi imangeleke noshikamusino mokandholongo ke lwopotundi onti 20H15 Momaandaha. 

Omunamimvo  32  Kaambu okwa dhipaga anuwa omunona gwomimvo ne, Fortuna Tenete, konima sho ya nyenyeta na yina ya Tenete kombinga yotee.  Yina ya Tenete omunamimvo, 29, Kaarina Matheus,okwa li eedhililwa mondholongo pamwe nomwana gwomimvo ne konima sho a nyengwa oku ifutilamo mondholongo oodola omathele gatano omolwa okufekelwa a yaka mositola. Kaambu okwa li mondholongo omolwa oshipotha shokudhenga omuntu. 

Eso lya Tenete  olya li lya nyenyetwa noonkondo koshigwana, nOmbudsman John Walters omasiku ngaka okwa pititha olopota ndjoka ya ulike uupyakadhi molwashoka omunona okwa li a edhililwa mondholongo pamwe na yina nenge aanona ohaya edhililwa moondjedhililo pamwe nooyina.Oshilonga shinyanyalitha shalongwa kuKaambu mokudhenga omutse  gwomunona ngoka posamende konima yoontamanana, nayina yomunona  osha li wo sha inyengitha naatotimpango megumbo lyOpashigwana sho wo nayo ye shi pangula yaana omayeye momakana. 

LEAVE A REPLY

Please enter your comment!
Please enter your name here