Quzza omunangeshefa omutenya ye omuhikingalo ngele lyatoko

0
391

KuClemence Tashaya

EENHANA – Uuna onkalamwenyo ye ku pe omakunde ninga oshigali. Ndika edhiladhilo nenge omwiityo ngoka omuntu kehe to vulu okupopya.Gumwe gwaamboka ya itaala mugo  ongaashi Quzza omuNamibia omuhikingalo ngoka opo teya  methimbo lyoku hika oongalo dholudhi lwo Afro Pop noshowo okudaanisa ye ishewe oha imbi oongalo dhomuhingo gwokwaito.

Julius Kamhulu ngaashi Quzza ashashwa okwa valelwa mOnekwaya East  moshitopolwa Ohangwena omimvo 24 dhapiti. Omumati omutitatu gwomaavalwa yahamano

Quzza okwa tameke neitulemo okukongela efamilia lye kokutya aakuluntu ye naamwayina iipumbiwa yesiku kehe noshowo iiyemo opo aamwayina ya vule okupita enongelo.

Omanga eli mosikola okwa tameke okuhokwa oongalo dhomusiki unene tuu ndhoka dhomufango gwo Afro Pop, okwa li ishewe ena uunyakwa mokundanisa na okwa holele aanawino yeshiwike nawa paigwana yomenenevi ndika ngaashi Naeto gwa Nigeria omanga inaa tameka okuhika oongalo dhe mwene. 

Omumvo gwayi Quzza okwa pititha oalubuma ye yotango.

Oalubuma ye yotango ndjoka yina oongalo 17 ohayi ithanwa “Double Tot” na otayi uvika tayi dhanwa mooradio yOshiwambo miilonga yokutuma omawi mombepo ya NBC oshowo ohayi hikwa kOradio yoshigwana yomoshitopolwa Ohangwena. 

Kakele kokuuuvika mombepo ohayi uvika wo tayi dhana moondunda dhomanwino nomahala gokunyanyudha guusiku moshitopolwa Ohangwena na palwe miitopolwa iikwawo yokuumbangalantu woshilongo.

Oongalo dhilwe ndhoka dhasimana moalubuma ndjika ongaashi ndjoka ontihetatu yedhina Tsotsi moka mwiimbwa ku Gallo 9 oshowo ongalo ontimulongo ndjoka yedhina  Summer Time.

Quzza okwa kala ha  kwathele aahikingalo mboka haya talelepo oshitopolwa shokolundume moku tamekitha omauliko gawo ngaashi eshi ningilile  aahikingalo aakulu , yoo Black Sheep na Satlam pethimbo mbaka ya li taya pititha okaCD kawo mOngwediva  noshowo pOshikango Country Lodge.

Ongo omunangeshefa, Quzza okwa imba wo naahikingalo ooyakwawo mboka opo wo taya tameke okugongelela aanona yoothigwa naamboka yeli moluhepo oshimaliwa oshowo omakwatho galwe.

 “Ngame onda li omutameki pethimbo lya Black Sheep tapititha okaCD ke kedhina “Exodus” noshowo sho  Satlam a tseyitha, ke, kedhina “My Fan My Blood” na onda hala okulongitha omusika okulundulula oshigwana shikale mombepo ombwanawa,’ Quzza a ti .

Okwa ti ota kala uuvite uuntsa okulonga pamwe naahikingalo yoondjimbo dho Afro Pop ngashi Qonja, Exit na Black Sheep ngele ayihe oya ende nawa.

Oongalo dhilwe moalubuma ye yotango ongaashi “So in love”, “Zopa” ta kwathelwa ku  Jomo, “Fanekaft Kavax”, “Hendrina”, “Secilia” ta kwathelwa ishewe ku Jomo  “Kendabala”, “Tekamosha”, “Tsotsi” naSummer Time” ta kwathelwa ku DJ Quality.

Kakele komusiki Quzza okuli wo omunangeshefa okupitila mehangano lye lya  Quzza Investments cc, onga omutungi, omunamalusheno getango noshowo omunduluki gwiikutu. Mongeshefa yolusheno lwetango okwi ipyakidhila ngashingeyi nokutulamo omalusheno goonte dhetango oshowo oogisa hadhi longo noonte dhe tango ,noopomba dhokupomba omeya hadhi longitha olusheno lwoketango.

 “Kakele kiilonga mbyoka ngame onda pewa wo iilonga yokuoopaleka moshitopolwa Ohangwena. Onda dhiladhila wo okutotapo osikola yandje mwene yoshikunino monakuyiwa.Omusika ndjika ompito onkwawo yongeshefa , ihe ngame inandi hala okulilalila uuna ndjika itaayi ende nawa sho osho ndina iitayi yilwe yopangeshefa,’ osho a ulike.

Okwa ti opena aantu yamwe ya hala ashike okulongitha aahikingalo mboka opo taya tameke nelalakano okuya thipa ombinzi.

Okwa ti wo kashishi iilonga iipu okulonga ongo omunangeshefa noshowo omuhikigwoongalo, oshoka iinakugwanithwa mbika ayihe oya pumbwa ethimbo lyagwana lyamwene gwayo.

 “Kaagundjuka aaNamibia, Quzza okwe ya kumike ati” Inamu tala iilonga yontumba yafa yaana oshilonga oshoka mbyoka otashi vulika yi ku fale kokule. Oshoka nonando onda fa ndiwete ta ndi kondjo oshi li hwepo okuyeleka noku kala nda kuutumba ndaana shoka tandi ningi.’

 Quzza okwa ti oku uvite uuntsa kombinga yoshitopolwa shokuhika oongalo moshilongo oshoka shika otashi koko noku endelela. Okwa ti aahikingalo ngaashi Gazza, the Dog na Elemotho, lady May na Tunakie oya adha omuthika gwopaigwana. “Naashika osha kumike tse mboka opo tatu ya muuhikingalo kutya oshitopolwa shika oshuuka komeho, 

LEAVE A REPLY

Please enter your comment!
Please enter your name here