Swapo ya egulula ombelewa ompe mEpembe

0
217

KuLoide Jason 

EPEMBE Ongundu yoSWAPO oya egululile ombelewa yawo ompe moshikandjohogololo Epembe shoka shi li moshitopolwa Ohangwena Etitano oshiwike shayi.

Omuwiliki gwopashigwana gwoSWAPO ngoka a pewa oshinakugwanithwa shokutalela nawa oshitopolwa shoka, Ominista Yiilonga Niiyenditho, Erkki Nghimtina, okwa kumike ewiliko lyongundu ndjoka lyopashitopolwa opo li longe neitulemo okusoshimpwiyu kutya omalutu agehe gongundu pashitopolwa ogena omwenyo na otaga longo iinakugwanithwa yago ngaashi geyi nuninwa. 

Sho a lesha oshipopiwa pehala lya Usko Nghaamwa ,ngoka eli  Ngoloneya gwaHangwena, Nghimtina okwa indile aawiliki moshikandjohogololo shoka okuhwahwameka aakalimo opo mbaka ya ka hogolole momahogololo gopashigwana ga tegelelwa mu Novemba nuumvo. Opo mokushininga ya pe ongundu ndjoka esindano.

Nghimtina okwa kwashilipaleke aaPembe a ti epangelo otali tsikile oku ya pa omayakulo ngoka yo ya pumbwa esiku kehe.

Epembe olimwe lyomomahala ngoka ga mona omayakulo golusheno okupitila mopolohalama yo ku andjaganeka olusheno komikunda, oshowo lya mona omeya omawanawa gokunwa okupitila me-andjaganeko lyomeya komikunda koshikondo shOmeya gOkomikunda. Nghimtina okwa kumike aanona naagundjuka opo ya dhiginine oku kala mosikola yo ya yande iilonga yomiyonena mbyoka yavuka ethimbo ndika.

Omimvo omilongo mbali dhapitipo ongundu yoSWAPO oya kala hayi longele mombelewa yoshigwana, naashika osha li oshidhigu kuyo okulonga iilonga yayo yopapolitika. 

Ombelewa ndjoka oya tungwa popepi newendo nenge nombila yomukondjelimanguluko keeshiwike , ngoka a fumvikwa mpoka kaakwashigwana pethimbo lyiita yekondjelomanguluko, konima sho a sile molugodhi naakwiita yomukolonyeki South Africa.

LEAVE A REPLY

Please enter your comment!
Please enter your name here