Uutoni a popitha Aanayena

0
272

KuMaria Namupala

ONAYENA – Momasiku 17 May, Omupevi minista gwegameno Erastus Uutoni okwali a popitha Oshikandjohogololo Onayena omolwa esiku lya Cassinga nesiku lyaaniilonga. Shino oshali sha ningilwa poomwandi dhiigongi.

Uutoni okwa tsu omukumo aanashilonga ya longe nokusimaneka iilonga yawo oshoka aantu oyendji koombinga noombinga kayena iilonga yo nande oyeyi konge iha ye yi mono.  Okwa tsu omukumo aanaskola yi itulemo melongo yo ya tseye uuwanawa mboka taya mono okupitila melongo.

“ Aanyasha simanekeni aakuluntu ne tamu kala noku ya yakula miilonga yawo oshoka oye mu sile nale oshimpwiyu ethimbo mwali aashona lela, omuli kune yene ngashingeyi omolwayo. Kotokeleni ookuume aawinayi mbono taye mu fala momapuko, yandeni okunwa omalovu sha pitilila ne tamu kala aagundjuka muna ongushu” Uutoni ta tsikileko.

Munista Uutoni okwa holola okwaa uvite ombili omolwa omapopyo ngono giihanena moshikandjohogololo Onayena. “ Yakwetu yandeni okulundilathana ne tamu pangelwa kombili, ano oshike kaamu hole pokuma pena ombili?, Kaleni nombili nohole yuumwainathana oshoka ngele ka tuneni ombili nena Namibia itali ka tungwa” ta ti nga.

Okwa gwedhako woo kutya omapopyo nuupyakadhi awuhe mbono wuli momudhingoloko otaya longo nawo na okwati kombinga yomakonakono guuzigo oshowo omindamba ngono taga fekelwa moshitopolwa ogena ku mona ehulilo ashike okwa kumike Aanayena ya yande okulundilathana yo taya kala haya popi iinima mbyono yina uukwashili.

Kansela gwaNayena Max Nekongo okwa gandja ombili omolwa omasiku ngaka sho taga dhimbulukwa kwa lata okwati iinakugwanithwa oyindji sho osho she eta ngaaka. 

Okwa uvaneke ta  ka konga esiku opo eye a popithe noku ningila aantu yomoshikandjohogololo she oshigongi noku ya pa omayamukulo omolwa oshigongi shoka sha ningilwe omwedhi gwa ziko.

Aakwashigwana oyendji oyali ye ya oku pulakena nokudhimbulukwa oomwenyo dhaamba ya kanithila oomwenyo dhawo moCassinga.

LEAVE A REPLY

Please enter your comment!
Please enter your name here