Aambalantu lyeni ongungu mu ngungumane

0
256

KuLoide Jason 

OMBALANTU – Elenga enene lyAambalantu tatekulu Oswin Mukulu okwa lombwele Aambalantu yangungumane opo ya yande omaipumo mumwe molwemanya lyawo ndyoka lya galuka.

Elenga olya lombwele Aambalantu kutya oshali sha pula ethimbo nuule okugalulila emanya ndyoka kuyo na ota indile opo ya ingwandjulathane molwalyo.

“Aambalantu lyeni ongungu mu ngungumane oshoka ngele emanya ndika olye mu shutuka onkee nga tamu ka yolwa kuuyuni, ano ngungumaneni,” Elenga lyati.

Emanya lyAambalantu olya kuthilwe moshilongo shaMbalantu   pwa pita ngashingayi oomvula 84 kAasoomi nokufalwa koSoomi hoka lya kala lya pungulwa moompungulilondjokonona dhaSoomi sigo tali ka talwako kehulilo lyomumvo gwayi.

Emanya ndyoka okwali nee lya ka talwako kOmupresidente omutiyali gwaNamibia, Hifikepunye Pohamba nelenga enene lyAambalantu Mukulu eta ye li eta kOmbalantu moshitopolwa shaMusati.

Ongundu yAambalantu oya li ya ligola nokuntantela emanya lyawo sho ye li ulukilwa kuMukulu miipathi yOmuperesidende Pohamba noshowo oomisteli dhe metitatu lyoshiwike shaziko.

Mukulu okwa popi wo kutya Emanya lyAambalantu osho oshinima shokuhanganitha onkee Aambalantu naya hangane petaambeko lyemanya lyawo etaya kala nombili.

Nonando Mukulu okwa itumbaleke yemwene kutya okwa longa nuudhiginini  okugalulila emanya kegumbo Aambalantu inaya kukuka opo ya vule okumupa epapa ndyoka ali a tegelela.

Ashike Minista yiinima yOmegumbo Pendukeni Iivula Ithana okwa gwanithapo ehalo lyelenga sho elipe omagano gembale nolwoondje.

Ashike Mukulu naye okwa gandja ongombe yondema komuperesidente .

LEAVE A REPLY

Please enter your comment!
Please enter your name here