Craven a ningi oshilyo shospana Team Europa Car

0
202

KuOtniel Hembapu

WINDHOEK – Omukayili mbasikela paithano, Dan Craven, okwa pewa esimaneko sho a ningi omuNamibia gwotango okukakayila ombasikela moshitopolwa shotango shuudhano mbuka mo Europa. Nguka okwa shaina euvathano nospana yopombanda ya France yedhina Team Europe Car.

Craven omunamimvo 31, okwa tseyitha onkundana ndjika oshiwike shayi poshigongi shiikundaneki  ati ompito ndjika okukala oshilyo sha Team Europe Car otayi ka egululila aakayilimbasikela aagundjuka oompito. Mbaka ongaashi aanamagano mokukayila okafalata yoo Costa Seibeb, Till Drobisch, Vera Adrian na Herbert Peters okutumbulapo ashike yamwepo.Shika otashi vulu okuningwa unene tuu sho ospana ye yina na woo omalutu gokuhumitha komeho mokati kaahingi yomimvo dha yooloka.

Sho a joina ospana ya France ndjika ,Craven ota ka ninga omutine gumwe gwaadhani aAfrica mboka ya kayila oombasikela moshitopolwa shotango shuudhano mbuka na okwa tegelelwa okuka kuthombinga muuudhano woombasikela ngaashi mboka wo Tour of Spain, pehulilo lyomumvo nguka.

“Uudhano wo  Tour of Spain owo wumwe uunene muuyuni na owuthike pamwe pamuthika naamboka hawu ithanwa Tour de France, onkene shika otashi ka kala ompito ombwaanawa kungame oku ilongekidha nawa omolwa ethigathano ndyoka.

Ondina wo okuetela oshilongo shandje esimano nomomukalo nguka otandi kumike aagundjuka,” Craven a ti. Sigo omasiku omashona gowala Craven okwa li ha kayile ombasikela te shi ningi ongo oshilyo shospana yAandowishi.

Pethimbo a tseyitha oshinima shika ombaanga yoNedbank oya tsu omuthindo kesimano lyokukala kwayo muudhano mbuka kutya omuthika omwaanawa okutala kutya aakayili yoombasikela ya Namibia oyapyokoka ongele  taya pewa ompito okukayila momathigathano gopaigwana.

 “Mokukuthombinga muudhano wa Craven monakuziwa ombaanga yaNedbank Namibia oya pandula Dan sho a kumike aagundjuka ngaashi, Vera Adrian, Costa Seibeb, Herbert Peters na Till Drobisch opo ya longe nuudhiginini oku ya ponkatu mpoka yeli nena.

Olyo ehalelo lyetu kutya aagundjuka mbaka otaya landula moompadhi dhe noku imonena ontumba ombwanawa muudhano woombasikela,” omushangwa gwa Nedbank gwati.

Ombaanga oya ti oshapumba mondjokonona ya Namibia kutya omukayili gwomevi ndika a pewa esimano li thike mpoka, ndyoka lya adhikwa ku Craven.

“Ihe otuna etegameno kutya ndika olyo etameko lyolweendo lwasimana monakuyiwa yuudhano woombasikela, ndoka oye elupala,’ osho omushangwa gwa hulitha.

LEAVE A REPLY

Please enter your comment!
Please enter your name here