Ilonga okulongitha nawa iimaliwa yoye

0
188

Komutoolinkundana

WINDHOEK – Uunkundi mboka wu niwe koyendji oomboka kutya olundji  katu shiwo nkene tuna okulongitha iimaliwa yetu nawa.

 “Elongitho nayi lyoshimaliwa ohali fala mekanitho lyoshimaliwa ngele omuntu ito tala nawa kutya iimaliwa otayi longithwa shike.Ndele inaku toka opo omuntu a landule shoka shi li mondjila okukondolola elongitho lyoshimaliwa,” pamayele gomuwiliki  gwomalanditho giikwambaanga moFNB, Ester Kali. Okwa ti pomathimbo ngaka oshiwanawa okudhiladhila kutya oshike to kalanda omanga inoo ya kositola.  “Oshinima shoka to landa owe shi pumbwa tuu, oto vulu tuu okushilanda omanga inoo ya momukweyo  okukafuta. Mpaka opena omayele gamwe ngoka taga kwatha omuntu opo wu ze moongunga.

“Opena woo omayele nkene omuntu to yanda oku landa iinima inaa yi pumbiwa.” Mpaka opena woo omayele nkene to yanda omikalo omiwinayi dhokulongitha oshimaliwa.

Okulanda waana oplana 

“Olungapi ho yi mositola pethimbo lyomwiha nenge mehuliloshiwike kuuna edhiladhilo lyokulanda sha ihe sho to zi   mositola owa humbata iinima noohema ,oongaku nenge oshikuki oshiwanawa okuza kombeka,” Kali ta pula.

Omalweendo ngaka gombala okuya kositola ogo haga hepeke iimaliwa yaantu oyendji. Nonando owa yi mositola nedhiladhilo okukafuta okakalata koye, oho haluka ashike wa landa ishewe oshinima shontumba, pethimbo to pitimo mositola.

Oshaanawa, osho oku iyageka okuya mositola pompito yotango,” Kakele shila ngele owuna shoka wathaneka okukalanda nena ngele hasho mositola ino yamo,” Kali ta kumagidha.

Okulanda iinima iishona ohaku kuthapo oshindji 

Okulanda iikulya to kalya mpoka wuuka ,otee, nenge omwiha kehe esiku,niimaliwa mbyoka yafa yaashi oyindji ngiika tayi kuthapo ashike oodola 50 ito mono kutya oto longitha oshindji,” osho Kali a kumagidha. “Ihe shoka shasimana ooshoka kutya ngele okulanda huka oho ku ningi esiku  kehe nena huka otaku gongala. Momwedhi omuna omasiku giilonga geli 22, ngele owa indjipaleke nomilongo 50 omasiku ngoka oto  kala wa longitha oodola eyovi limwe nethele limwe.

Okwaa shiwo kutya iimaliwa yoye oyi thike peni to futu oongunga. 

Owu shi tuu kutya ohofutu iihohela yithike peni koongunga dhoye noshowo kuukalata woye noshowo kutya ofuto ndjika otayi kuthamo shithike peni mondjato yoye? Eyamukulo otashi vulika  waa shiwo kutya oho futu ingapi?

Ngele ku shishi kutya ingapi ho longitha nena oto tegelele ngiini okukondolola iimaliwa yoye? Kali ota thaneke kutya kutha ethimbo eto konakona nawa oongunga dhoye adhihe, dhuukalata, womoositola, uukalata womikuli, okufuta egumbo, ohauto nosho tuu.

Kotoka wo waa fute iinima shaashi wuna onyalo yokutala kutya openi pena oshinima shafa shoka shina ombiliha okuyeleka naashoka to landa. Onkene owa pumbwa okukutha ethimbo okutala mpoka to mono oondando dhili nawa.

LEAVE A REPLY

Please enter your comment!
Please enter your name here