Muinjo a galikana Doeseb opo a kale natango Omunashipundi gwaNPL.

0
271

Komutoolinkundana

WINDHOEK – Omuperesidende gwehangano ewiliki lyetanga lyokoompadhi moNamibia, Namibia Football Association (NFA) John Muinjo okwa hala omunashipundi gwo Namibia Premier League (NPL)  Johnny JJD Doeseb opo a talulule etseyitho lye lyokuyele kutya ita ka shunamo we muunashipundi woNPL  uuna ethimbo lye lyuuwiliki lyapuko mu Juli nuumvo.

Omunashipundi sho NPL okwa tile ye ita ka hogololwa we ongo omunashipundi uuna ethimbo lye lya puko nuumvo muJuli. Doeseb okwa kala mewiliko lyoNPL uule womimvo dhili ne.

Muinjo okwa itaala kutya Doeseb oye omunambelewa eli mondjila okuwilika oliha yoshilongo monakuyiwa.

’Doeseb okwa li oshitopolwa shetalululo lyekotampango lya NFA mu Januali nuumvo kohi yetonatelo lyaFIFA nontseyo ye otayi kala yili nawa moku tula miilonga omathaneko ngoka gali gatokolwa poshigongi shoka,” osho Muinjo a ti.

Doeseb, ngoka a kala mewiliko lyoNPL okuza omumvo 2008 kuyele mu Maalitsa okwa tseyithile kutya okuna edhiladhilo oku ethapo iilonga mbyoka.Okwa tile ote yi ethapo oshoka ookluba kadhina iilonga yili nawa paithano lyuudhano wetanga lyokoompadhi, ishewe oospana kadhina eitulemo uuna tashiya mokutungapo edhina lyuudhano nenge okwiikolekela momadhina gadho opo ndhika dhi simane nokumona eyambidhidho olindji.

Okwa tile ishewe okwaa hena eyokomeho momalutu getanga pomuthika gwoospana nako oshimwe shomiinima mbyoka ye mu tokolitha opo a ethepo uunashipundi.

Muinjo ina itaalithwa komatompelo ngoka ga gandjwa ku Doeseb na ota ti ontseyo ye oya pumbiwa noonkondo muudhano wetanga lyokoompadhi moshilongo.

 “Kohi yewiliko lye oliha otayi lunduluka onkene ndika einekelo lyandje kutya omalunduluko ngaka oga pumbwa okutsikila, noku endithwa kuye opo e ga manithe,’ Muinjo okwa tsikile a ti muudhano wetanga lyokoompadhi ngaashi ashike miimpungulonga yilwe, etaambathano lyewiliko olya pumbwa elongekidho nomathaneko omawanawa, oshowo oonkundathana neitulemo, onkene onda itaala kutya etokolo lya Doeseb oku kala itaa thikama opo a hogololwe itali kala muuwanawa woliha                                              yopombanda yoshigwana.’

Muinjo okwa ti okupopya kwe kutya Doeseb okuna uukwatya wa halika mewiliko lyetanga lyokoompadhi inashi uvikako ongo kutya andola nguka oye awike ta vulu oku kala mewiliko no ishewe kutya andola kapena we yalwe taya vulu okuya moongaku dhe okuwilika NPL.

 “Eindilo lyandje olya kankamekelwa ashike koshinima shetsikilo  noshowo okutula omathaneko miilonga,” osho Muinjo a endulula.

LEAVE A REPLY

Please enter your comment!
Please enter your name here