Namwater a patulula ombelewa yokufutila omeya

0
309

KuMaria Namupala

OMUTHIYA – Momasiku 23 ga Mai  Ehangano lyoku andjaneka omeya miitopolwa yi ili noyi ili (Namwater) olya adha ondjodhi onene sho lya patulula oshikondo shokufuta omeya mOmuthiya.

Epatululo ndika olyali lya ningilwa poombelewa dha Namwater mondoolopa ya Muthiya.Omundohotola Vaino Shivute ngono oye eli omukuluntu gwehangano ndino okwati shika oshili onkatu onene ndjono ya katukwa ko Namwater sho a mono ompumbwe onene yaakwashigwana sho haya ende iinano iile okuka futa omeya.

Shivute okwati ehangano ndika olya kala lya pewa oshinakugwanithwa kepangelo opo li gandje noku andjakaneka omeya kaakwashigwana. “Ombelewa ndjino otayi ka kwathela konyala kehe ngoka wa pumbwa okufuta omeya goye ngaashingeyi ita mu endewe oondjila oonde okuya kOndangwa hono mwa kala hamu ka futa omeya geni, uveni uugumbo oshoka oondjila dheni odha te tulwa” Shivute ta ti.

Okwa kwashilipaleke woo kutya aaniilonga ye oyi ilongekidha okuyakula oshigwana nombili onkene kehe ngoka to pumbwa omayakulo gombelewa ndjika kala wa thika pehala mpoka ngoye to futu omeya goye nombili.

Shivute okwati oya tala konkalo yiinano mbyono hayi endwa kaakwashigwana okuka futa omeya gawo. “ Otuna aakwashigwana haya zi kOnamishu, Omutsegonime nokOshivelo opo ya ka thike koombelewa dha Namwater kOndangwa , yo sho taya yi hoka ohaya kala thimbo limwe inaa ya yakulwa omolwa omikweyo omile ashike ngaashingeyi oondjila odha tetulwa ngaa nee”, ta tsikileko.

Okwa uvaneke taya ka patulula ombelewa yokufuta omeya koshitopolwa sha Hangwena kOmafo noku gwedhela aaniilonga yopomafutilo mOshakati opo ya vule okuyakula oshigwana ya manguluka. Okwa ti woo komasiku gokomeho aantu yomOmuthiya otaya ka vula ku futa omeya gawo okupitila moNampost, FNB oshowo otaya ka vula okulongitha internet banking.

Pethimbo ta patulula ombelewa ndjika Penda ya Ndakolo Ngoloneya gwaShikoto okwa pandula Namwater sho ta eta noku hedhitha omauwanawa koshigwana ta indile aakwashigwana ya yande okuteyapo noku hanagulapo omaliko goshigwana.

LEAVE A REPLY

Please enter your comment!
Please enter your name here