Okavidio kaBlossom Indikupapatele

0
258

Ku Pinehas Nakaziko

WINDHOEK – Ruusa Ndapewa Munalye a tseyika nawa moongalo nedhina Blossom osho a pititha okavidio ke okape kokangalo taka ithanwa Indikupapatele, hoka kakala kategelelwa koyendji.

Okavidio haka okaningwa noka thaanekwa kehangano lyo Dessert Film Production, ndyoka hali ningi uuvidio dhingi moshilongo. Indikupapatele ngashingeyi okuli ta talika kaantu oyendji kointaneta kepandja lyoYouTube, nongashingeyi omwaalu gwaatali yokavidio haka ogwaadha 5500.

Blossom omvalele yomOndangwa, nokwa yambukile monooli yoshilongo, moshitopolwa Oshikoto, omukadhona ngoka ha imbi oongalo oombwanawa unene tuu dholudhi lwopambepo, Afro Pop no RnB.

Ongalo ye Indikupapatele oya lukilwa edhina lyoalubuma ye ontiyali ‘Indikupapatele’ ndjoka ya pitile pehulilo lyo 2013, noyina ehwata lyuungalo omulongo nuutatu (13). Oalubuma ndjika oye mutula ponkatu yopombanda lela, molwa aayambidhidhi ye mboka ya kala noku yi landa unene.Oye mu sindanitha ishewe epapa lyomuhikingalo ha imbi oongalo dhoGospel medhigathano lyoNamibia Annual Music Award (Namas) 2014, lyaningilwe moSwakopmund omwedhi nguka.

Moalubuma muka ota kwathelwa kuThe Dogg, Jurgen Brand, Leyden Gariseb naRodrique Ntsika.

“Indikupapatele oalubuma ndjoka tayi popi kombinga yohole, omahepeko haga ningilwa aakiintu  naanona, nota yi longo aakwashigwana nkene yena okwiigamena nokwiikeelela  komikithi ngaashi oAIDS,” Blossom tati ngaaka.

Moalubuma muno otamu monika nee ngashi okangalo kotango, ta kati Tangi Meme. Okwa ti nee okangalo haka ota ke mu dhimbulikutha sho a li omushona, noku ayihe nzoka a li a ningilwa ku yina.

Tilila okuli ponomola ontiyali no ta galikana Omuwa opo a tilile ombepo ye, unene tuu maagundjuka yepipi lyongashingeyi, mboka ihaa ya vulika.

“Kamwe taka nywitha omakutsi ongaashi nee Indikupapatele, hoka taka popi kombinga yohole. Okati Okati, okangalo koKizomba, hoka kena omulyo omutoye lela. Aayambidhidhi yandje oye hole okangalo haka noya kala noku kapula kadhanwe kooRadio dhomoshilongo,” Blossom tati.

LEAVE A REPLY

Please enter your comment!
Please enter your name here