Omaudhano moshilongo  oshiwike shayi naashika

0
245

KuCarlos Kambaekwa

WINDHOEK – Aadhani Asprila Wermann na Riaan Cloete oya tulamo kehe gumwe okoola yimwe pethimbo African Stars a dhengemo ospana yoBlack Africa oshiwike shayi muudhano woliha yoMTC.

Medhingoloko lyotango oospana ndhika mbali kehe yimwe kaya li ya tulamo okoola, ihe konima  ospana yoAfrican Stars ,hayi dheulwa kuWoody Jacob oya dhana neitulemo na oya tulamo okoola nokusindana ngaaka.

Esindano ndika olya fala ospana ndjika popepi nehala lyopombanda moliha ya MTC.Pokati koospana ndhika opena ashike iitsa yili itatu onkene ngele African Stars okwa dhengemo ospana yo Tigers oshiwike shika nena oospana ndhika otadhi kala dhithike pamwe miitsa.Pokati kAfricanStars  naTigers opena iitsa ihamano.

Ospana yoEleven Arrows’oyili pokuzamo moliha konima sho adhengwamo kospana  ya United Stars poRundu nokoola yimwe monola .Tomas Muketiwa oye a tulamo okoola yospana konyala okuuka pehulilo lyuudhano medhingoloko etiyali.

Ospana yoFNB Orlando Pirates oya dhengemo ndjoka yo PC Blue Boys nokoola 1-0 pokapale ka Vineta Stadium moSwakopmund, okoola ndjoka yimwe oya tulwamo ku  Merwyn Haraseb .Omanga ospana ya Rundu Chiefs oya dhengemo oRamblers nokoola yimwe mowala.

Wire Shipanga omudheuli gwospana yoLHU Blue Waters okwa tsikile noku shi enditha nawa okuya mokati komusholondondo gwoliha ya MTC Premiership,sho adhengemo Civics nookoola  2-1 pokapale kaKuisebmond Stadium moWalvis-Bay.

Ookoola odha tulwamo kuBallack Somaeb naEdom Dominique, omanga omudhani gwoCivics Quinton Kuruseb inaa tulamo okoola yimwe.

African Stars oyena einekelomwene lili pombanda konima yokudhengamo Black Africa nookoola  2-0 nonando oya dhengwa ku Mamelodi Sundowns muudhano wekopi lyomundohotola Hage Geingob.

Ospana yo African Stars oya dhengemo ndjoka yo Tigers muudhano kongulohi yetiyali nongashingeyi oyina lela ompito yoku sindana oliha yo MTC  oshoka yo naandjoka yo Black Africa odhina iitsa yithike pamwe. African Stars okwa dhengemo Tigers nookoola mbali mu yimwe.

LEAVE A REPLY

Please enter your comment!
Please enter your name here