Omunona gumwe a si omeya sho a gwile meyemele

0
271

KuLoide Jason 

ONGWEDIVA – Ngashingeyi oshaninga omukalondjigilile kaakuluntu okuthiga aanona megumbo omanga yo taya yi koondingosho, naashika osha etitha opo okanona komvula noomweedhi ndatu ka itsuwa ka sila meyemele lyomeya  metitano lyoshiwike shaziko.

Okwa hokolowa kutya okanona hoka oka itsuwa kuyinakulu ka sa momeya meyemele sho ali a ila omeya go kukayoga omahalasha kokefe.

Onzo yuuyelele ya inekelwa nawa ku Kunduna oya hokolola kutya uunona owa uhala megumbo owo auke utatu omanga yinakulu ali a ya kepya.

“Aniwa yinakulu sho a zi kokefe a ila omeya megumbo a ka koshe omahalasa okwa adha ashike uunona uyali tawu dhana omanga oka kwawo kaakepo,” onzo ya Kundana ya ti.

Okwati kutya uunona shito ohau kala mo ngaa nayina ashike aniwa moshiwike sha zako yina okwa li iitumapo.

Opolisi yaMusati oya koleke oshiningwanima shika, tayi ti kutya aniwa oshaningilwa momukunda Eehe moshikandjohogololo shaGongo mOmusati.

Edhina lyokamati oJonas Shitaleni ena omvula nomweedhi ndatu.

LEAVE A REPLY

Please enter your comment!
Please enter your name here