“Ookansela dhaTsumeb inadhi tu simaneka we”

0
229

KuJohn Travolter Matali

TSUMEB – Aakalimo moTsumeb otaya indile opo ookansela mewiliko lyoshilando shoka dhi thigepo iilonga oshoka anuwa itadhi longo we nawa.

Omalundilo ngaka oga popiwa kaakalimo molukanda lwa Soweto pethimbo Kundana a li ishewe a talelepo olukanda lwa Soweto moka aakalimo taya ti kayena omeya gokopomba molukanda lwawo aluhe.

Omolwompumbwe yomeya ndjoka aakalimo ohaya ka teka omeya kuundjugo opo ya vule okunwa nokuteleka.

Aakalimo oya ti ishewe iiyagaya oya ndumbalala nokugongala molwashoka mbyoka oya ningi omasiku yi kuthwepo.

 “Otwa hogolola ookansela mbaka ihe ngashingeyi inatu ya hala oshoka itaya longo nawa.Tse otwa hala aantu aape oshoka mbaka yeli miilonga oya fa yeli nawa.Otwa hala aantu aape mboka taya vulu iilonga.Uuna omuntu wa yi kombelewa oto popiwa nangoye wafa omunona osho ,”omunamimvo 64 Simon Israeli a ti.

Pahapu dha Yerobeam Hafeni  ookansela ohaya henuka Soweto ongaashi ehala lina oshivu.”Ihatu monomo ookansela muka moSoweto oya fa ashike yaako kuuyuni.Itatu ti  otwa  hala okuya mona,ihe shoka sha simana ooshoka kutya andola naya longe iilonga yawo ngaashi ye yi hogololelwa.Otwa hala aawiliki aape oshoka mbaka tuna ngashingeyi oya fa yaana we sha okweetapo,” osho a ti.

Regina Ndjiva omukalimo gwomoSoweto naye okuuvite nayi kombinga yaawiliki mboka a ti oshilando osha pumbwa aawiliki mboka yena omadhiladhilo omape unene tuu molukanda lwa Soweto. “Tse otwa vulwa aantu mbaka ya fa ihaaya monika ,” Iilonga yawo oya fa omashendjo.

Onkalo moSoweto oyuuka kuuwinayi,omanga twali tatu dhiladhila kutya otayi ka hwepopala.

Uuna omuntu wa yi wu kateke oto adha opomba ya gwayekwa omatudhi onkene omuntu oho kala wa thiminikwa okuyogako omatudhi ngoka opo wu vule okuteka omeya nawa.Shika kashishi oshinima oshiwanawa nando,”osho Ndjiva a ti.

“Muni ote tu hepeke  noshowo otetu  thindile kongudhi oshoka aana yetu otaya kokele momudhingoloko gwa luudha  moka ethimbo alihe taya adhika komavu.Uuna ya yi koshipangelo nando oya pangwe onkene ngaaka taya tsikile okwaalukwa oshoka pehala mpoka haya zi opwa   kaka unene ethimbo alihe,” osho omunamimvo 73 VeronicaNaidel a ulike.

LEAVE A REPLY

Please enter your comment!
Please enter your name here