Aanangeshefa natango onkene taya kwathele mokutunga oongeleka

0
346

KuMaria Namupala

OKANKOLO – Aanangeshefa yomoshitopolwa shaWambo nale mekwatelo komeho lyomukuluntu gwawo, Tomas Koneka Indji, Absai Nendongo oshowo yamwe po natango onkene taya kwathele mokuyambulapo noku tunga oongeleka nenge omagongalo moshilongo. Mosoondaha yomasiku 25 gomwedhi gwayi okwali kwa longekidhwa oshilongadhalwa  omolwa etungo lyongeleka ya Elcin megongalo Okankolo. Ookuume kegongalo ndika oyali ye ya opo ya kwathele oshilongadhalwa shika. 

Osheendo shaza kOniipa oshali sha kwatelwa komeho ku meme Hilma Amaambo oshowo Sofia Mbandeka ngono ali omvalele ya Kankolo ashike okwa tembukila kegongalo lyaNiipa. 

Omusita gwegongalo ndika Jona Amakali Jona okwati egongalo lyaKankolo olya totwapo mo1954, nolya kala mewiliko lyomusita Tomas Nakanyala

“Elalakano limwe ashike oku kwathela aaKankolo ya tunge ongeleka yawo noku yi tula omawawa opo yi kale pamuthika goshinanena ngaashi oongeleka odhindji dha tungwa oshoka ngele oto tala ongeleka yetu oshona unene naakwanegongalo ihaya gwanamo sho osho wu wete yamwe taya uvile pondje nena”Amakali ta ti.

Euvitho olyali lya ningwa komunambelewa mombaanga yotango yopashigwana (FNB) Tomas Indji. Olugodhi lwopambili olwali lwa yimo esiku olyo tuu ndyoka sho ya tameke okuumba ongalo taya kondjithathana opo ya tunge egumbo lya Kalunga.

Oongalo odhali dha umbwa mono aana yaasita yali taya kondjithathana, negongalo lyolyene Okankolo, aanangeshefa oshowo aakwanegongalo ya Kankolo mbono ya tembukamo. Ongalo ayihe kumwe yesiku ndyoka oyali yeeta ooN$ 131 595-22, tayi kwathele oku tunga omawawa gongeleka ndjika.

Konyala oongeshefa odhindji odha gandja iimaliwa kegongalo Okankolo opo yi kwathele etungo ndika mwaamba ya gandja omwa kwatelwa ngaashi Boas Mweendeleli a gandja N$3000.00, Kambwa Trading N$2000,Ames Investment N$500,BH N$1100,Kansela gwa Kankolo okwa uvaneke ta ka gandja N$5000, Ofamili ya Ndafelayi oya uvaneke tayi ka gandja N$10 000 omanga Gerard Kambonde ta gandja ololi yoondhopi, okutumbulapo owala yamwe.

Aakwanegongalo nayo oya uvaneke taya ka gandja omakwatho mpa taya vulu opo ya tunge ongeleka yawo yo ya kale taya gwana mo oshoka onshona unene. MelongeloKalunga omwali woo mwa kalwa komagongalo gamwe ngaashi Ekamba,Ondjamba, Endola, Oniipa oshowo Omulondo ayehe oyali yeya oku yambidhidha etungo lyongeleka ndjika.

Omusita gwegongalo ndika okwa pandula ayehe ya kwathele moshilonga shika teya indile natango ya tsikile komeho. Ngoka to vulu ku kwathela nomukalo kehe ota vulu a tume oshimaliwa opo tu yambulepo egumbo lya Kalunga komayalulo gombaanga ya Standard bank Okankolo Parish: 241261848 Check account, Ondangwa.

LEAVE A REPLY

Please enter your comment!
Please enter your name here