Egumbo lyomuselekadhi gwa nakusa Jairus Punyu Shikale lya pipo

0
350

KuNuusita Ashipala

ONETHINDI Omakonakono otaga tsikile okutala kutya oshike sha eta omulilo ngoka gwa hanagulapo ombinga yimwe yegumbo lya nakusa omunangeshefa, Jairus Punyu Shikale pOnethindi Olyomakaya ya piti.

 “Okwa li pwa luudha nopuudha olwithi apehe , nomuntu kwali to vulu okumonako nando opondje, naapolisi oya li nuudhigu okukondolola omainyengo gaantu noshowo giihauto mondjila yokuya kOnandjokwe ndjoka yeenda popepi negumbo ndika,’osho gumwe gwaamboka ya li pompile a hokolola.

Omuselekadhi gwa nakusa Punyu na oye mwene gwegumbo ndyoka, meme Abia Shikale okwa ti epandulo otali pewa Kalunga oshoka momulilo ngoka inamu sila omuntu, unene tuu sho megumbo mwa li  mwaana aantu oyendji kakele komutonateli megumbo ngoka aadhika kombinga ndjoka inaayi gumwa komulilo.

 “Ngame kandali mo megumbo onda adhika nda ka taIelapo kOshaakondwa sho aashiinda ya dhengele ndje  nokuhokolola kutya egumbo lyandje otali pi. Inamu kanena omwenyo gwomuntu momulilo moka oshoka omuniilonga ngoka a li megumbo okwa li kombinga ndjoka inaa yi gumwa komulilo,’ Shikale osho a hokolola.

Meme Shikale ka li a vulu okuhokolola kutya omulilo ngiika ogwa etwa koshike, kakele ashike kokutya sho a thiki pegumbo komatango gOlyomakya okwa ndhindhilike kutya oombuli dhegumbo kombinga yokuuninginino odha li  dha pyapo komulilo nolwithi olwa li talu zi momakende gokuuzilo wegumbo. 

Oonzo ndhoka inaadhi itumbula komadhina odha ti omulilo ogwa li omunene na ogwa nyenge ookadhimamulilo yondoolopa yaNdangwa mboka ya li ya mana po omeya nokushuna ishewe ya ka teke omeya opo ye ya tsikile okudhima omulilo thilithilu. Ookadhima mulilo ya Ndangwa oya li wo ya indile ekwatho kookadhimamulilo ya Shakati na Ngwediva mboka ya tondoka meendelelo okuya ya kwathele.  “Omapunga getu ogena oku kala ga luudha noonkondo, oshoka omulilo ogwa li omutilithi. Aadhimi yomulilo yaNdangwa oya manapo omeya na oya li yena okushuna mbala okukatala omeya ga gwedhwapo opo yee ya dhime omulilo thilu thilu,’ osho ombangi yimwe ya haluka ya hokolola.

Nonando omulilo ogwa li omunene noonkondo aanegumbo oye shi pondola okuhupitha yimwe yomiinima okuza kombinga yegumbo ndjoka inaayi pya.

Nando aapolisi oya li ya kondeke egumbo ndika opwa li aantu oyendji mboka ya li ya tondoka onkugo okukwathela efamilia ndika.

Mboka ye li popepi nefamilia ndika oya kwathele okuhupitha iinima yimwe okuyi kutha megumbo noshowo okukwatha mokudhima omulilo. Omulilo okwa itaalwa gwa tameke tagu pi potundi oyimwe mokati komutenya naanguka ogwa ka dhimwa ashike potundi ontine yokomatango. 

LEAVE A REPLY

Please enter your comment!
Please enter your name here